Divorci mes Chelsea dhe Antonio Conte ishte i ditur, madje që të enjten klubi i kishte komunikuar trajnerit dhe stafit të tij përfundimin e marrëdhënies së punës. Por mëngjesin e sotëm ka ardhur edhe lajmërimi zyrtar nga Blutë e Londrës.
“Chelsea dhe Antonio Conte mbyllin bashkëpunimin, – shkruhet në komunikatën për shtyp të klubit londinez – Gjatë periudhës së drejtimit të Antonio Conte ne fituam kampionatin tonë të gjashtë dhe FA Kupën e tetë”.
“Në sezonin në të cilin u fitua titulli – kujtojnë londinezët – klubi ka vendosur një rekord prej 30 fitoresh nga 38 ndeshje të Premier Ligës, përveç rekordit të 13 fitoreve të njëpasnjëshme në kampionat”.
