Vulosi me gol derbin e Stambollit, Vedat Muriqi: Synoj titullin në Turqi

331
Sigal

Tjetër ndeshje, tjetër gol për Vedat Muriqin në Superligën e Turqisë.

Fenerbahçe mposhti 3-1 Beshiktashin në kuadër të javës së 16-të në Superligën e Turqisë.

Në këtë ndeshje golin e ka gjetur sërish edhe sulmuesi i Kombëtares së Kosovës, Vedat Muriqi.

25-vjeçari shënoi për 3-1 në minutën e 68-të, golin e 10-të në Superligën e Turqisë në vetëm 15 paraqitje deri më tani.

Ai është shprehur i lumtur me fitoren e madhe të Fenerbahçes që ka shkuar në kuotën e 28 pikëve dhe ka kapur vendin e tretë, duke lënë prapa Beshiktashin.

“Tifozët ishin të shkëlqyeshëm. Kemi luajtur shumë mirë. Me shumë se sa goli im, ishte me rendësi të fitonim. Synojmë që edhe ndeshjen e radhës ta fitojmë dhe te vazhdojmë drejt titullit”, u shpreh Muriqi.