KATEGORIA E PARË/ Ish-trajneri “rekordmen” në disa skuadra, Stavri Nica sjell këtë analizë
Agron KAJA
Gjatë këtij sezoni futbollistik në Kategorinë e Parë, durrsaku Stavri Nica ka drejtuar skuadrën e Kastriotit, ndërsa dje për gazetën “Telegraf” ai bëri një analizë të kësaj kategorie për 23 javët e luajtura. Sipas tij, ndeshjet e para të fazës së tretë nuk treguan ndonjë ndryshim nga dy fazat e para, por veçon dy skuadrat që kryesojnë renditjen në 23 javë. “Nëse i referohemi renditjes në këto 23 javë të luajtura, mendoj se kryesisht skuadrat e kreut, Vora, Flamurtari të ndjekur nga Besa, treguan se kanë bërë investime serioze me lojtarë të përvojës që kanë gjëndje dhe njohin kampionatin. Ndërsa pjesa tjetër e skuadrave janë munduar, por nuk janë në nivele që t’i ndjekin tre të parat”, kështu e nis dje bisedën specialisti i futbollit e trajningut shqiptar Stavri Nica, i cili më pas veçoi edhe dukuri, që sipas tij janë shqetësim. “Unë e shoh me shqetësim këtë ecuri të dy ekstremeve të renditjes. Sepse kështu nuk shoh seriozitet e profesionalizëm në marrëdhëniet për ndërtimin e skuadrave. Çdo gjë është afatshkurtër, nuk ka organizim e projekte, veç tre klubeve të para. Duhet punë me baza të forta dhe shumëvjeçare, jo duke ndërtuar skuadër në çdo sezon. Kështu e kemi vrarë cilësinë e futbollit në këtë kategori”. Ndërkohë që për dy skuadrat kryesuese dhe për ato dy të tjerat që mbyllin renditjen, Stavri Nica nuk parashikon lëvizje, për të gjitha skuadrat e tjera pret ndryshime, por kërkon që të mos ketë aleanca apo dashamirësi. “Në këtë ecuri deri në mbylljen e kampionatitit, e rëndësishme është që të mos ketë aleanca e dashamirësi. Kjo formulë e Kategorisë së Parë nuk është e saktë dhe serioze për kushtet e futbollit shqiptar”. Në parashikimin e tij për javën e 24-t, specialisti Nica nuk pret ndryshime në renditje, por veçon dy skuadra që mund të ndryshojnë. “Apolonia mund të ngrihet më lart në tabelë këtë javë, bashkë me Pogradecin. Dhe nëse do kemi surpriza, këto nuk përjashtohen në ndeshjet e futbollit, por skuadrat kryesuese Vora e Flamurtari i kanë të kalueshëm kundërshtarët”, kështu e mbylli dje bisedën specialisti i futbollit, Stavri Nica.
SHORTET DREJT FUNDIT
Europa në verdiktin e goglave, ka përballje si finale
Liga e Kampioneve
Ndeshjet-Faza 1/8
Më 4-5 e 11-12 mars 2025
Bajern M-B Leverkusen 21:00
PSG-Liverpul 21:00
Real M-Atletiko M 21:00
Aston Vila-Klub Bryzh 21:00
Dortmund-Lilë 21:00
PSV-Arsenal 21:00
Fejenord-Inter 21:00
Benfika-Barcelona 21:00
Në Nion të Zvicrës, dje Europa e futbollit u njoh me “stacionin” e radhës të kompeticioneve, të cilat janë në metrat e fundit drejt finaleve të tyre. Për fazën e 1/8 të Uefa Champions League, shorti ka sjellë përballje interesante, dy prej të cilave mund të konsiderohen edhe si finale të parakohshme. Kështu, Bayern Mynih do luajë përballë Leverkusen, ndërsa Real Madrid do të ndeshjet me rivalin e përjetshëm të qytetit Atletiko Madrid. Një përballje interesante mbetet ajo mes francezëve të Paris Saint Germain (PSG) me Liverpul. Ndërkohë që në Ligën e Europës, rruga drejt finales ka përcaktuar çiftin Fenerbahçe-Rejnxhers, ku luan Nedim Bajrami. Përballje interesante për Junajtid-Sociedad, Roma-Atletik Bilbao, apo Ajaks-Eintraht Frankfurt. Në UEFA Konferencë Ligë, në ndeshjet e turit 1/8, Çelsit i hapet rruga drejt finales teksa i duhet të kalojë Kopenhagenin, Fiorentina do të sfidojë grekët e Panathinaikos, Real Betis luan sfidë interesante ndaj Gimaraesh.
UEFA Europa Ligë
Ndeshjet-Faza 1/8
Më 6 e 13 mars 2025
Ajaks-Eintraht Frankfurt 21:00
AZ Alkmar-Totenhem 21:00
Bodø/Glimt-Olimpiakos 21:00
FCSB-Olimpik Lion 21:00
Fenerbahçe-Rejnxhërs 21:00
Real S-Mançester J 21:00
Roma-Atletik Bilbao 21:00
Viktoria Plzen-Lacio 21:00
Ka dy dukuri në renditjen e skuadrave të Kategorisë së Parë pas 23 javëve të luajtura. Dy skuadrat e kreut dhe dy të fundit nuk kanë lëvizur për disa javë rresht, pjesa tjetër nga vëndi katërt dhe deri te i dhjeti, besoj se do kenë lëvizje. Renditja tyre varet se si do sillen skuadrat në sfidat, që luhen të gjitha të dielën.
KATEGORIA E PARË
Ndeshjet-Java 24
Të dielën, 23 shkurt 2025
Apolonia-Burreli 13:30
Kastrioti-Pogradeci 13:30
Valbona-Vora 13:30
Korabi-Besa 13:30
Kukësi-Flamurtari 13:30
Lushnja-Erzeni 13:30
RENDITJA
Skuadrat Nd Pikë
1.Vora 23 57
2.Flamurtari 23 55
3.Besa 23 46
4.Burreli 23 37
6.Lushnja 23 33
5.Pogradeci 23 32
7.Kastrioti 23 30
8.Apolonia 23 29
9.Korabi 23 25
10.Kukësi 23 20
11.Valbona 23 13
12.Erzeni 23 8
