Jurgen Klopp ka folur në konferencën për shtyp para duelit ndaj Aston Villas.
Pasi filloi karrierën menaxheriale te kampionët skocezë Rangers, tifozi i preferuar në Merseyside, Stiven Gerrard, e gjen veten përsëri në Premier Ligë në Villa Park.
Legjenda e klubit te ‘Reds’ do të rikthehet në Anfield në ndeshjen si mysafir të shtunën, dhe Klopp ka folur për duelin e tij me Stiven, duke theksuar ndër të tjerash se ai nuk ka dyshime se një ditë do të menaxhojë Liverpoolin.
“Po, absolutisht mendoj se po”, tha Klopp në konferencën e tij për shtyp para ndeshjes kur u pyet nëse Gerrard do të menaxhojë Liverpool-in në të ardhmen
“Problemi i vetëm është se kur është momenti i duhur për këtë? Ne e pamë këtë me Frank [Lampard] me kohën e tij në Chelsea, që ishte një histori e ngjashme.
“Stevie po ecën shumë mirë për momentin, sepse ai është shumë i ri për një menaxher, kështu që kur është momenti i duhur që ai të marrë detyrën.
“Nuk është se nuk është në gjendje ta bëjë, por për sa kohë do ta bëjë. Por po, mendoj se do të ndodhë patjetër dhe është mirë për të gjithë.
“Unë nuk e di se çfarë duhet të bësh për t’u bërë trajner i Liverpool-it. Njerëzit thonë se duhet të fitosh gjëra, por unë nuk jam i sigurt për këtë. Mendoj se është më e rëndësishme që të fitosh gjëra kur je këtu. Nuk duhet të fitosh gjëra në të kaluarën dhe këto gjëra të kota për të qenë një fitues i dëshmuar. Mund të fitosh gjëra në të kaluarën, por kurrë të mos fitosh diçka më.
“Gjithçka që Stevie ka bërë deri tani duket mirë dhe po shkon absolutisht në drejtimin e duhur. Nuk mund të shoh një skenar ku do të përfshihem në atë vendim për të qenë i sinqertë, por kush e di se çfarë sjell e ardhmja? Do ta shohim!”, ka përfunduar Klopp.
