Është hedhur ditën e sotme në Nyon të Zvicrës edhe shorti për fazën e të gjashtëmbëdhjetave për Conference League. Pas hedhjes së shortit në Champions League dhe Europa League ishte rradha e trofeut më të ri të kontinentit që skuadrat në këtë fazë të mësonin kundërshtarët e tyre.
Skuadra e Ajax, e ardhur nga Europa League do të ketë një përballje të lehtë në letër përballë Bodo/Glimt. Përballje interesante do të jetë ajo mes spanjollëve të Real Betis dhe Dinamo Zagreb. Kroatët lanë jashtë Ballkanin e Ilir Dajës dhe ndaj andaluzianëve do të jetë një sfidë mjaft e fortë.
Sakaq, Olympiacos do luajë përballë hungarezëve të Ferencvaros, ndërsa Frankfurt do të ndeshet me belgët e Union Saint-Gilloise. Pjesëmarrës në këtë fazë është edhe Legia e Varshavës, ku luan dhe sulmuesi i kombëtares sonë Ernest Muçi, që do të ketë përballë Molden.
Shorti i plotë:
Ajax-Bodo/Glimt
Strum Graz-Slovan Bratislava
Servette-Ludogorets
Molde-Legia Varshava
Real Betis-Dinamo Zagreb
Olympiacos-Ferencvaros
Maccabi Haifa- Gent
Union Saint-Gilloise – Eintracht Frankfurt
