Mediat serbe vazhdojnë të ndihen të provokuara, sa herë që diçka nga shqiptarët ka të bëjë me ta.
Tashmë, duket se gjithçka është kthyer në një problem psikologjik dhe këtë herë të fundit ajo që ka shërbyer si “provokim” për ta ka qenë një video në Instagram e postuar nga Granit Xhaka.
Mesfushori me origjinë shqiptare ka shpërndarë një video ku një shqiptar godet letrën higjenike dhe në sfond dëgjohet komenti i ndeshjes Zvicër-Serbi në Botërorin e 2018, moment kur Xhaka shënoi golin e barazimit për helvetët. “2 ALBANIANS 2-1 SRB”, shkruhej në postim ku ishte etiketuar Xhaka.
Postimi është shpërndarë nga mesfushori i Arsenalit dhe mjaftoi për të shkaktuar polemikë në rradhët e mediave serbe të cilat kanë reaguar.