“Stela”dhe ”Tirana” shpallen kampionë. Ja rezultatet teknike sipas kategorive dhe kohët e arritura për meshkuj dhe femra. Flasin Sadik Mema dhe Arjan Fetishaj
STELA DHE TIRANA KAMPIONËT E FËMIJËVE,
ÇIRAKU: MASIVITETI SJELL CILËSI
Presidenti i Federatës Shqiptare të Notit, Agim Çiraku, vlerëson kampionatin e moshave, që për dy ditë u zhvillua në kompleksin e Pishinave, “Akuadrom” në Tiranë
GJERGJ VYSHKA
Kampionati kombëtar i fëmijëve, që për dy ditë me radhë u zhvillua në kompleksin e Pishinave, “Akuadrom”, në Tiranë, ishte dhe mbyllja e sezonit veror për notin shqiptar. Në fakt, sezonin veror do ta mbyllë Maratona e Sarandës “Idriz Muço”, që me 10 shtator do të zhvillohet në qytetin bregdetar. E kjo jo vetëm për profesionistë, por dhe për veteranë. Duke mbetur tek garat e fëmijëve, Stela ishte ajo që dominoi gjithçka. Presidenti i Federatës Shqiptare të Notit, Agim Çiraku, për gazetën “Telegraf” vlerëson masivitetin, ndërsa është i bindur që kështu rritet cilësia.
- President sapo ka përfunduar kampionati i fëmijëve. Cili është vlerësimi për këtë garë të fundit të sezonit veror?
- Së pari më duhet të them që kemi bërë një kampionat në kushte të mira. Tashmë kompleksi i Pishinave “Akuadrom” është marrë nga Bashkia e Tiranës dhe ne vazhdojmë ta kemi atë për garat e notit. Së dyti, masiviteti ishte i lartë. Mos harroni vijnë nga një pushim i gjatë e verë e nxehtë e jo të gjithë kanë patur kushte për t’u stërvitur. Unë jam i bindur që masiviteti më pas sjell cilësi. E kjo për ne është mjaftë e rëndësishme.
- Çfarë mund të veçohet nga kjo garë?
- Stela si gjithmonë dominon garat e kësaj kategorie. Nuk duhet harruar Tirana, apo Butrinti, Vllaznia, Partizani e Teuta. U thyen disa rekorde. Ne jemi të bindur se do të kemi një paraqitje të tillë dhe në sezonin dimëror.
- Më parë keni zhvilluar dhe kampionatin, apo dhe Kupën e Shqipërisë për të rritur…
- Aty patëm rezultate të mira, që më pas u pasqyruan në Botërorin e Budapestit, Europianin e Romës, Lojërat Mesdhetare, Festivalin Europian Rinor. Përgjithësisht ka qenë një sezon veror i mirë
- Një të fundit, si do të jetë e ardhmja e notit shqiptar. Ka nga ata që e shohin me skepticizëm edhe për shkak të mungesës së infrastrukturës
- Unë mendoj e mirë. Ka shumë fëmijë që merren me not. E kjo është në dobi të tyre, por dhe të sportit tonë. E mira nuk ka fund, por gjithsesi them se jemi në rrugë të mbarë.
Fetishaj: Jemi brenda pritshmërive tona
“Objektivi i Tiranës është të jetë mes pretendentëve si për meshkuj, ashtu dhe për femra”. Kështu është shprehur në startin e Kampionatit Kombëtar të fëmijëve, trajneri i Tiranës, Arjan Fetishaj. E në fakt, bardheblutë bënë mirë në këtë aktivitet. Jo vetëm kampion në kategorinë B për femra, por dhe Regis Ostrosin sportistin më të mirë në të njëjtën kategori për meshkuj. “Ne pretendonim që Julia Xhako të ishte sportistja më e mirë, sepse e tillë është në rezultate. Për meshkuj më duhet të veçoj Patrik Kusin, Juri Kapolin, Raid Bajrakun, Darti Selimin, Regis Ostrosin etj. Përgjithësisht jemi brenda pritshmërive në këtë kampionat”.
Mema: Ne gjithmonë i kemi kryesuar këto gara
“Stela i ka kryesuar vazhdimisht këto gara, sepse është punë gjithëvjetore”. Sadik Mema, kryetrajneri i Stelës, ishte i bindur për atë që do të bënte në këtë kampionat. “Pjesëmarrja ishte e pëlqyeshme në këtë kampionat. Ka patur dhe mungesa, sepse ishte një verë e nxehtë dhe të gjithë janë ende me pushime. Të paktën ju përshtatëm rretheve, që nuk kanë pishina të hapura, apo të mbyllura”, thotë Mema. “Ne kemi shumë notarë – thotë Mema – por më duhet të veçoj Kaltra Meçan, apo dhe Liana Mukan, që garojnë me fëmijët, por janë të suksesshme dhe me të rriturit”. “Noti është përqendruar në Tiranë e Durrës, kurse Shkodra, Vlora, Saranda, Pogradeci nuk e kanë një pishinë verore, apo dimërore. Ndaj duhen më shumë investime në sport”.
REZULTATET TEKNIKE TË KAMPIONATIT KOMBËTAR TË FËMIJËVE
KATEGORIA A
MESHKUJ
50 metra stil i lirë Lajdi Allaraj (Partizani) 28”27
100 metra stil i lirë Juli Kapoli (Tirana) 1’01”75
200 metra stil i lirë Ediliano Hunaj (Butrinti) 2’13”19
400 metra stil i lirë Ediliano Hunaj (Butrinti) 4’42”62
50 metra bretkosë Patrik Kusi (Tirana) 36”41
100 metra bretkosë Patrik Kusi (Tirana) 1’20”97
200 metra bretkosë Patrik Kusi (Tirana) 2’54”62
100 metra shpinë Dart Selimi (Tirana) 1’15”66
200 metra shpinë Dart Selimi (Tirana) 2’39”19
100 metra delfin Juri Kapoli (Tirana) 1’08”06
200 metra delfin Raid Baraku (Tirana) 3’08”28
SI EKIP: STELA 183 PIKË
SPORTISTI MË I MIRË: EDILIANO HANA (BUTRINTI) 921 PIKË FINA
FEMRA
50 metra stil i lirë Julia Xhako (Tirana) 29”37
100 metra stil i lirë Julia Xhako (Tirana) 1’03”00
200 metra stil i lirë Liana Muka (Stela) 2’28”94
400 metra stil i lirë Era Balla (Tirana) 6’44”16
50 metra bretkosë Erika Lushaj (Stela) 43”06
100 metra bretkosë Julia Xhako (Tirana) 1’21”03
200 metra bretkosë Julia Xhako (Tirana) 2’55”57
50 metra shpinë Shirli Ziso (Tirana) 36”00
100 metra shpinë Kaltra Meça (Stela) 1’13”19
200 metra shpinë Kaltra Meça (Stela) 2’32”59
100 metra delfin Kaltra Meça (Stela) 1’07”72
200 metra delfin Uerda Jahaj (Vllaznia) 2’55”00
400 metra katërnotim Uerda Jahaj (Vllaznia) 6’20”91
SI EKIP: TIRANA 203 PIKË
SPORTISTJA MË E MIRË: KALTRA MEÇA (STELA) 1088 PIKË FINA
KATEGORIA B
MESHKUJ
50 metra stil i lirë Devi Shtaro (Teuta) 34”06
100 metra stil i lirë Regis Ostrosi (Tirana) 1’11”82
200 metra stil i lirë Regis Ostrosi (Tirana) 2’38”00
400 metra stil i lirë Devi Shtaro (Teuta) 5’44”31
50 metra bretkosë Dion Papa (Stela) 44”10
100 metra bretkosë Avi Luga (Stela) 1’39”53
200 metra bretkosë Avi Luga (Stela) 3’30”50
100 metra shpinë Egid Dushaj (Stela) 1’27”26
200 metra shpinë Egid Dushaj (Stela) 3’09”91
100 metra delfin Regis Ostrosi (Tirana) 1’23”49
200 metra delfin Luis Biba (Stela) 4’22”16
SI EKIP: STELA 176 PIKË
SPORTISTI MË I MIRË: REGIS OSTROSI (TIRANA) 547 PIKË FINA
FEMRA
50 metra stil i lirë Arla Dermishi (Stela) 30”59
100 metra stil i lirë Viki Tafruku (Vllaznia) 1’09”87
200 metra stil i lirë Viki Tafruku (Vllaznia) 2’36”68
400 metra stil i lirë Viki Tafruku (Vllaznia) 5’29”72
50 metra bretkosë Ketlin Nasto (Tirana) 49”07
100 metra bretkosë Ketlin Nasto (Tirana) 1’46”59
200 metra bretkosë Ketlin Nasto (Tirana) 3’56”09
50 metra shpinë Luna Djarmati (Stela) 39”09
100 metra shpinë Luna Djarmati (Stela) 1’25”50
50 metra delfin Arla Dermishi (Stela) 32”22
100 metra delfin Arla Dermishi (Stela) 1’11”97
SI EKIP: STELA 118 PIKË
SPORTISTJA MË E MIRË: ARLA DERMISHI (STELA) 921 PIKË FINA
KATEGORIA C
MESHKUJ
50 metra stil i lirë Drini Karanxha (Stela) 35”38
100 metra stil i lirë Nikolas Çaushi (Stela) 1’24”44
200 metra stil i lirë Nikolas Çaushi (Stela) 3’08”59
400 metra stil i lirë Albi Deda (Stela) 5’53”96
50 metra bretkosë Albi Deda (Stela) 43”94
100 metra bretkosë Albi Deda (Stela) 1’36”09
200 metra bretkosë Tomas Nasto (Tirana) 3’40”09
100 metra shpinë Drini Karanxha (Stela) 1’3122
200 metra shpinë Drini Karanxha (Stela) 3’10”88
100 metra delfin Elio Skënderi (Stela) 1’45”00
SI EKIP: STELA 294 PIKË
SPORTISTI MË I MIRË: ALBI DEDA (STELA) 447 PIKË FINA
FEMRA
50 metra stil i lirë Evie Asllanaj (Stela) 35”28
100 metra stil i lirë Evie Asllanaj (Stela) 1’18”94
200 metra stil i lirë Evie Asllanaj (Stela) 2’59”19
400 metra stil i lirë Alma Bardhoshi (Stela) 7’21”22
50 metra bretkosë Sibora Dushaj (Stela) 52”10
100 metra bretkosë Sibora Dushaj (Stela) 1’56”60
200 metra bretkosë Sibora Dushaj (Stela) 4’05”88
200 metra shpinë Vanesa Ujka (Stela) 1’39”62
SI EKIP: STELA 199 PIKË
SPORTISTJA MË E MIRË: EVIE ASLLANAJ (STELA) 587 PIKË FINA
