INTERVISTA/ Specialisti i futbollit Artur Çobani analizon ecurinë e Superiores, parashikon javën 31-të
Agron KAJA
Futbolli shqiptar ka ndërprerë aktivitetin zyrtar, si ka shërbyer kjo hapësirë 10 ditore te skuadrat?
Unë them se të gjitha skuadrave ju ka shërbyer, sepse ka qënë një rrugë e lodhshme dhe pa pushime të gjata në muajin janar. Më shumë u shërben skuadrave të zonës “Final 4”, sepse skuadrat nuk kanë kontigjent e rikuperime pas dëmtimeve.
Si do ta përshkruani ecurinë e garës në Superiore për 30 javët e luajtura?
Kampionati ka kohë që ka hyrë në një rrjedhë që dihet se si do jetë vazhdimi i kreut. Skuadrat e para e krijuan shkëputjen nga të tjerat, edhe pse Partizani u luhat pak. Në vëndet e tjera, janë gjashtë skuadra që do luftojnë mes tyre mbijetesën.
Çfarë treguesi është fakti se, në javën e 30-të u shënuan 4 barazime dhe 1 fitore?
Gjithmonë, për të qënë realist me skuadrat që luajnë në këtë kampionat, unë e largoj dyshimin për ndonjë tolerim. Përpos këtij mendimi, humbja e Vllaznisë më la shije të hidhur, ndërsa barazimi i Dinamos me Elbasanin nuk ju shërbeu shumë.
Java e 31-të luhet më 26 e 27 mars 2025, referuar kalendarit, duket si një “Para-Final 4”?
Kjo javë është ndeshje e rivalëve, si për kreun ashtu edhe në vëndet pas mesit të renditjes. Kësisoj, mendoj se asnjë rezultat nuk është i parashikueshëm, ndoshta edhe pse kalendari ka vënë përballë mes tyre katër skuadrat e e kreut në renditje.
Cilën nga këto pesë sfida e veçoni si kryendeshjen e javës së 31-të?
“Derbi” ka një rëndësi të veçantë, sepse luajnë dy skuadra me historinë më të madhe në futbollit shqiptar, kanë tifozerinë më të madhe në Shqipëri. Rëndësia shtohet edhe për shkak të renditjes së tyre, pa anashkaluar ndeshjet e tjera. Por interesante do jetë edhe Teuta-Skënderbeu.
E mendoni se mund të ketë ndonjë surprizë në renditjen e skuadrave pas ndeshjeve të javës së 31-të?
Surprizat janë gjithmonë shoqëruese në çdo ndeshje. Të them se fiton Vllaznia me Egnatian, apo Partrizani me Dinamon, nuk janë surpriza. Ato mund t’i presim në Tirana-Bylis dhe Teuta-Skënderbeu, pavarësisht se favorite janë skuadrat vëndase.
Luhet “Derbi” Dinamo City-Partizani, i katërti në këtë sezon, do ndikojë realiteti mes tyre, apo historia?
Historia mes tyre ka një dominim të Partizanit, sepse Dinamo për shumë vite luajti në Kategorinë e Parë. Por nisur nga realiteti në këto 30 javë, Dinamo është më mirë në këto moment dhe mund ta ketë më lehtë ta kalojë Partizanin.
Janë edhe gjashtë javë deri në mbylljen e kampionatit, ku mendoni se do ketë lëvizje në tabelën e renditjes?
Nuk pres ndryshimin e katër skuadrave të para të zonës “Final 4”, veç ndonjë lëvizje mes tyre. Ndërsa në pjesën e poshtme të renditjes, unë them se do ketë ndryshime e surpriza. Të gjashta janë në ethet e shmangies të zonës së mbijetesës.
DERBI” 177-të DINAMO – PARTIZANI
HISTORIA
Ndeshja e parë
Viti 1950
Partizani-Dinamo 2-2
Ndeshja e fundit
25 janar 2025
Partizani-Dinamo 1-1
BILANCI
Janë luajtur 176
Fitore Dinamo 48
Barazime 55
Fitore Partizani 73
Golat 190:239
Ndeshja e rradhës 177
AKTUALITETI
Janë luajtur 30 javë
Renditja e Dinamos
Vëndi i 2-të me 51 pikë
Renditja e Partizanit
Vëndi i 4-t me 44 pikë
Do luhen edhe 6 javë
Konfirmohet stadiumi, Tirana-Bylis në “Arena Kombëtare”
Ndërsa dje vëmëndja e opinionit sportiv ishte e përqëndruar te ndeshja Shqipëri-Andorrë, bardheblutë e Tiranës kanë qënë të ngulitur aty edhe për një fakt tjetër. Sepse FSHF-ja ka vendosur që ndeshja Tirana-Bylis, e vlefshme për javën e 31-të të Abissnet Superiore, të luhet pikërisht në “Arena Kombëtare” ditën e mërkurë në ora 18:00. Ky çift rikthehet në këtë stadium pas dy viteve, nga janari 2023.
ABISSNET SUPERIORE
Ndeshjet-Java 31
E mërkurë, 26 mars 2025
Tirana-Bylis 18:00
(Në “Arena Kombëtare)
E enjte, 27 mars 2025
Laçi-Elbasani 14:00
Dinamo-Partizani 17:00
(Në “Elbasan Arena”)
Teuta-Skënderbeu 17:00
Egnatia-Vllaznia 20:00
RENDITJA
Skuadrat Nd Pikë
1.Egnatia 30 54
2.Dinamo City 30 51
3.Vllaznia 30 50
4.Partizani 30 44
5.AF Elbasani 30 37
6.Laçi 30 33
7.Bylis 30 32
8.Tirana 30 31
9.Skënderbeu 30 30
10.Teuta 30 30
KATEGORIA E PARË
Ndeshjet-Java 29
E mërkurë, 26 mars 2025
Besa-Burreli 15:00
Erzeni-Korabi 15:00
Flamurtari-Pogradeci15:00
Valbona-Kastrioti 15:00
Kukësi-Apolonia 15:00
Vora-Lushnja 15:00
RENDITJA
Skuadrat Nd Pikë
1.Vora 28 70
2.Flamurtari 28 68
3.Besa 28 61
4.Burreli 28 50
5.Lushnja 28 37
6.Pogradeci 28 37
7.Apolonia 28 34
8.Kastrioti 28 31
9.Korabi 28 29
10.Kukësi 28 28
11.Valbona 28 13
12.Erzeni 28 11
KATEGORIA E PARË
Aleanca kundër Flamurtarit? Ja ku dyshojnë vlonjatët!
Një deklaratë mediatike e ish-portierit të Flamurtarit, Erjon Dinaj, uroj që të mos bjerrë në veshë të shurdhër nga organizatorët e garës, FSHF-ja. Gardiani ka deklaruar mes të tjerave se Flamurtari është në vend të dytë, por sipas tij është kampioni moral i kësaj kategorie. “ Aleanca kundër Flamurtarit! Po të shikoni ndeshjet e Vorës, por pa aluduar, ka diçka që ekipet kundërshtare nuk luajnë futboll të fortë kundër tyre. Ndërsa kur janë me Flamurtarin, bëjnë lloj-lloj lojërash dhe manovrash që të na ndalojnë me të gjitha format. Rasti i fundit është me Kastriotin…”.Duket se faza e tretë e kësaj kategorie po “ngjall” sëmundjen e vjetër të trukimeve, ku Kategoria e Parë i ka vuajtur jo pak. Gjithsesi, të presim që sfida Vora-Lushnja të mos zhvillohet me efektin e këtij konstatimi.
