Sapo ka mbaruar takimi i ambasadorës se SHBA, të Bashkimit Europian dhe të Britanisë së Madhe në selinë e PD. Ata kanë zhvilluar një takim me kryetarin e opozitës Lulzim Basha. Takimi vjen pasi palët politike nuk kanë arritur konsensus për Reformën Zgjedhore.
Këshilli politik i Reformës Zgjedhore, me përfaqësues nga të gjitha palët politike, dështoi që të përfundonte brenda afatit, të cilin vetë e kishin caktuar, draftin konsensual të Reformës Zgjedhore.
Identifikimi biometrik, depolitizimi i administratës zgjedhore dhe Kolegji Zgjedhor ishin tri pikat e nxehta, ku palët nuk arrinin që të gjenin një formulë të mirëpranuar nga të gjithë.
