Shemsi Prenci: Garantoj se do të sfidoj Edi Ramën në Durrës, sepse ne tregojmë që e mbajmë fjalën e dhënë shqiptarëve

66
Sigal

/Gazeta TELEGRAF

Një nga kandidatët më të spikatur të LSI në Durrës denoncon presionet me grupe kriminale dhe banditë të veshur me pushtet

Opozita dhe sidomos LSI do jetë surpriza e zgjedhjeve në Shqipëri e sidomos në Durrës. Personalisht garantoj se do sfidoj Edi Ramen në Durrës dhe këtë do e bëj realitet me mbështetjen e gjithë të ardhurve në qarkun e Durresit nga Korça e Pogradeci, nga Gramshi e Librazhdi, nga Berati e Skrapari, nga Kukësi, Hasi e Tropoja, nga Puka e Mirdita, nga Dibra, Mati e Bulqiza, komunitete te cilat Rama i ka diskredituar dhe masakruar në Durres me pushtetin e vet dhe pushtetin e Gjushit

Shemsi Prençi, një nga kandidatët më të spikatur të LSI në qarkun e Durrësit, ndërsa denoncon presionet me grupe kriminale dhe banditë të veshur me pushtet që kërcënojnë votuesit pas orës policore të kufizimit për shkak të Covid-19 sidhe reklamat qeveritare me projekte të pa mbaruara dhe vidio në 3D garanton fitore të thellë të opozitës në këtë qark.

“Edhe pse fushata për zgjedhjet e përgjithshme tw datës 25 prill po kryhet nën presionet qeveritare dhe manipulimet që shfaqen ne disa forma si:

– Bullizimi i kandidatëve të opizitës e sidomos femrat kandidate;

– presionet me grupe kriminale dhe banditë të veshur me pushtet që kërcënojnë votuesit pas orës policore të kufizimit për shkak të Covid-19;

– reklamat qeveritare me projekte të pa mbaruara dhe vidio në 3D;

– premtime dhe blerje vote natën me shuma marramendse dhe ndihma ushqimore

– blerja e sondazheve për çdo javë nga qeveri, duke paraqitur LSI-në si forcë që kuotohet minimalisht në të gjitha qarqet …!Etj, etj.

Opozita dhe sidomos  LSI do jetë surpriza e zgjedhjeve në Shqipëri e sidomos në Durrës.

Personalisht garantoj se do sfidoj Edi Ramen në Durrës dhe këtë do e bëj realitet me mbështetjen e gjithë të ardhurve në qarkun e Durresit nga Korça e Pogradeci, nga Gramshi e Librazhdi, nga Berati e Skrapari, nga Kukësi, Hasi e Tropoja, nga Puka e Mirdita, nga Dibra, Mati e Bulqiza, komunitete te cilat Rama i ka diskredituar dhe masakruar në Durres me pushtetin e vet dhe pushtetin e Gjushit.

Rama në 20 vite ka kërkuar votat e të ardhurve në Durrës, për të mbajtur pushtet, por asnjërin nuk ka shpërblyer duke i dhënë pjesë pushteti…!

Pas 25 Prillit Rama do ta mësojnë shqiptarët se kush është shumicë në qarkun e Durrësit dhe kujt i takon pushteti…!

 

Do të mesojnë mirë e majta dhe e djathta Shqiptare se si janë tallur me të ardhurit të cilët nuk i qasin as me poste “brigadierësh” e jo me Drejtora dhe Administrator.

Votoni LSI dhe nr 4 Shemsi Prençi, sepse ne tregojmë se mbajmë fjalën e shpërndajmë pushtetin në të gjitha nivelet sipas meritokracisë dhe komuniteteve”, shpehet Prençi për “Telegraf”.

Shemsi Prençi është padyshim një nga personalitetet shqiptare i mirënjohur në rang kombëtar. Jo vetëm për detyrat e funksionet e rëndësishme që ka mbajtur, nga komandant i Pikës së Kalimit të Kufirit Hani i Hotit – Shkodër, Drejtor i Përgjithshëm Policie në disa qarqe si Korçë, Elbasan, Berat, Fier, Dibër, Drejtori i Përgjithshëm i  Emergjencave Civile e deri Këshilltar i Presidentit të Republikës, por para së gjithash për potencialin intelektual, përgatitjen profesionale, vizionin bashkëkohor dhe dimensionin e tij njerëzor.

Të gjitha këto vyrtyte i ka shpalosur më së miri në dhjetëra debate e intervista televizive, veçanërisht kur Shqipëria është ndodhur në udhkryqe historike dhe prag katastrofash natyrale.

Biri i dy prindërve të thjeshtë, por punëtorë, fisnikë e të zgjuar (Selim e Mide Prençi), do të nderonte jo vetëm ata por edhe gjithë fisin, Muhurrin e Dibrën, në të gjitha funksionet e rëndësishme që ka kryer dhe kryen.

 

Stoik ndaj neodiktaturës

Koha do të vinte në provë “burrërinë” dhe stoicizmin e këtij burri të shquar dibran veçanërisht pas trazitave të shtatorit 1998.

Në 12 shtator 1998, vritet në Tiranë, lideri i lëvizjeve të dhjetorit 1990, Azem Hajdari dhe si mik shtëpie i Shpend Hajdarit (babait të Azem Hajdarit) gjatë kohës që kishte shërbyer në Tropojë, edhe pse ishte oficer i lartë me gradën Kolonel, vendosi të respektojë traditën shqiptare, dhe duke marrë leje merr pjesë në varrimin e tij më 14 shtator. Ato ditë situata precipitoi keq dhe ndodhën trazira deri në djegien e disa institucioneve, por Shemsiu, si ushtarak, përkrah të ndjerit Pjetër Arbnori dhe me porosi të kryetarit të opozitës së asaj kohe, Prof.Dr Sali Berisha, dha kontributin maksimal për normalizimin e situatës.

Me një urtësi dhe largpamësi të vërtetë për ta rikthyer sërish në normalitet çmendurinë e atyre ditëve, i qartë, i prerë dhe me një shikim realist Shemsiu i kishte të gjitha kredencialet dhe asetet morale për të ndikuar në rivendosjen e rendit e të sigurisë. Por. më datën 4 dhjetor 1998, me urdhër të Prokurorisë Tiranë arrestohet me akuzën, drejtues i Kryengritjes së Armatosur pas vrasjes së Azem Hajdarit. Pas 48 orësh dhe pikërisht në 6 dhjetor 1998, me vendim gjykate kalon në arrest shtëpie. Kalvari i gjyqeve, ku ishin të akuzuar një grup prej 13 vetësh, mes tyre dhe oficerë, deputetë e gazetarë ka vazhduar për 6 vite, deri kur fituan pafajësinë dhe të drejtat e mohuara.

Shemsi Prençi ishte kështu sfiduesi i sistemit të ri të neodiktaturës që kishte nisur gjuetinë e shtrigave. Edhe në ato rrethana Ai dëshmoi se kishte horizont të gjerë, përgatitje intelektuale dhe stof për protagonizëm. Ndryshe s’kishte pse të linte postin, të rreshtohej me opozitën dhe të jepte orientime të drejta në ato ditë të acarta, kur ishte rebeluar thuajse e gjithë Shqipëria. Ndonëse do të ishte në tehun e “gjuetisë së shtrigave”, ai sërish dëshmoi se ishte një specialist i zoti dhe drejtuesi më largpamës e i ekuilibruar. Megjithë intrigat e kurdisura nga pushtetarët e asaj kohe në kurrizin e tij, Shemsiu vazhdoi të qëndrojë me stoicizëm…

“Gjenerali” i mirëinformuar profesionalisht

Gjatë viteve 1998-2003 ka vazhduar studimet pa shkëputje nga puna në Universitetin e Tiranës, Fakulteti Juridik duke fituar titullin “Jurist”.

Më pas, 2010-2012 ka vazhduar studimet në Universitetin Evropian në Maqedoni për Master në Jurisprudencë, duke fituar titullin “Master Profesional për hetimin e krimeve”.

Në shtator 2005 emërohet Drejtor i Policisë të Qarkut Korçë, detyrë që e kreu me devotshmëri e përkushtim deri në vitin 2007.

Në vitin 2007 kaloi Drejtor i Policisë Elbasan.

Nga viti 2007 deri në fundin e vitit 2008 ka vazhduar pa shkëputje nga detyra plot 18 muaj, në Shqipëri, Austri dhe Kosovë Kursin e Lartë për Menaxhimin Strategjik të Policisë, të drejtuar nga misionet monitoruese Amerikane ICITAP dhe evropiane PAMECA, duke fituar titullin Master dhe gradën “Dejtues i Parë” (Gjeneral).

Në vitin 2008 kalon Drejtor i Policisë së Qarkut Berat dhe në vitin 2009, Drejtor i Policisë së Qarkut Fier.

Gjatë periudhës 2009 deri në vitin 2012 ka kryer detyrën e Drejtorit të Forcave Speciale dhe Ndërhyrjes së Shpejtë, kur ka drejtuar operacione nga më të vështirat për goditjen e personave me rrezikshmëri të lartë si autorë të krimeve të rënda me pasoja tragjike për jetët njerzore.

Ndër të vetmit që njohu institucionin  e dorëheqjes

Por një ndër operacionet më të vështira ka qenë vendimarrja për t’u futur në pusin e Minierës Bulqizë, në thellësinë e nivelit minus 16 ose siç thonë 1600 m nga sipërfaqja, ku kishin organizuar mbi 40 minatorë grevën e urisë dhe kishin bllokuar ashensorin me shina vagonash. Operacioni për hyrje është organizuar nëpërmjet pusit nga nxirrej kromi me plot defekte. Në drejtim të një grupi prej gjashtë forcash speciale është futur dhe në zbritjen fundore u perballën me minimin e galerive të nivelit -1600 m. Gjithsesi ia dolën, zbritën e morën kontaktakt me minatorët në grevë dhe pas 7 orë bisedime dakortësuan mbylljen e grevës dhe organizimin e saj në sipërfaqe, me qëllim mos rrezikimin e jetëve.

Disa muaj më vonë komandohet në detyrë Drejtor i Policisë të Qarkut Dibër, detyrë të cilën e ka kryer vetëm dy muaj dhe pastaj në datën 25 prill 2012 ka dhënë dorëheqje për shkak se zyrtarë të lartë të shtetit kishin lidhje me disa nga kompanitë e kromit, në të cilat bëhej shfrytëzimi barbar i minatorëve dhe vidheshin me mbi 1000 ton krom në natë.

Pasi kishte informuar Ministrin e Brendshëm dhe Kryeministrin dhe nuk kishte asnjë reagim, por përkundrazi mbështetje, mori vendimin për dhënien e dorëheqjes dhe kallzimin publik të situatës, duke kallzuar dhe penalisht e duke fituar plot katër gjyqe me strukturat shtetërore.

Dorëheqja që shpreh emancipim është njëra nga mënyrat më komode dhe Shemsi Prençi e dha atë në një kohë kur mund të kishte heshtur, e të pajtohej me atë situatë kriminale. Por kurrësesi nuk mund të vepronte kështu Ai që e ka në gjak krenarinë dhe e ka ngritur karrierën vetëm mbi parime të forta morale. Për këtë bir besnik të idealeve dhe parimeve të tij, humbja e një beteje nuk do të thotë se ka humbur lufta. Kokëfortë dhe guximtar, do të vazhdonte përballjen në media me shkakatarët e vërtetë të asaj situate tragjike në minierat e Bulqizës. E përballoi edhe atë betejë me një intensitet që shpërfillte parashikimet e errëta.

Është larguar nga Policia e shtetit duke përfituar të gjitha të drejtat dhe duke mbajtur gradën policore “Drejtues i Parë (Gjeneral).

Vetwm para dy muajsh dha dorwheqjen si kwshilltar i Presidentit tw Rpublikws, pwr tw kandidauar si pwrfaqwsues i LSI nw qarkun e Durrws, i bidur se do tw fitojw thellw mw 25 prill dhe do kthehet qw atje me mnadatin e deputetit, nga qw ka siguruar mbwshtetjen e e gjithë të ardhurve në qarkun e Durresit nga Korça e Pogradeci, nga Gramshi e Librazhdi, nga Berati e Skrapari, nga Kukësi, Hasi e Tropoja, nga Puka e Mirdita, nga Dibra, Mati e Bulqiza, komunitete te cilat Rama i ka diskredituar dhe masakruar në Durres me pushtetin e vet dhe pushtetin e Gjushit.

Karrierë e shkëlqyer policore 25-vjeçare

Gjatë karrierës policore prej 25 viteve, duke kryer detyra të ndryshme dhe sidomos 12 vite në drejtimin e strukturave të Komisariateve dhe Drejtorive të Policisë në shumë qarqe të vendit, ka patur rezultate të shkëlqyera në zbulimin e krimeve të rënda, të vjetra e të reja dhe në goditjen e prangosjen e elementeve dhe grupeve të strukturuara kriminale.

Po kështu është karakterizuar nga respektimi dhe zbatimi me korrektësi i ligjit ndaj dhe ka patur gjatë karrierës së tij si drejtues policie dy raste të kundërshtimit të Ministrit të Brendshëm në vitin 2011 dhe 2012, në lidhje me zbatimin e urdhërave arbitrarë për keqpërdorimin e Forcave Speciale dhe Policisë Vendore, kurajo që nuk ka ndodhur kurrë në historinë 107 – vjeçare të Policisë së shtetit Shqiptar, por që kanë buruar nga ndershmëria, profesionalizmi dhe përkushtimi për të kryer detyrën, bazuar në Kushtetutë e Ligj.

Në vitin 2013 deri në vitin 2018 ka kryer detyrën e Drejtorit të Përgjithshëm të Emergjencave Civile në Ministrinë e Brendshme.

Në sa e sa aksione shpëtimi në rastet e fatkeqësive natyrore, në përmbytjet nga shirat e rrëmbyeshëm në Shkodër, Fier e Durrës, apo dhe kur ranë tërmetet lokalë në Korçë, Mat e Dibër, Shemsiu do të ishte në pararojë, duke shpërfillur vështirësitë e krijuara nga kato katastrofa natyrore. Dhe mbi të gjitha, ai qe përcaktues i saktë i masave paraprake dhe paralajmërues i ndodhjes së këtyre katastrofave, ndonëse u paragjykua deri edhe nga nomeklatura e lartë shteëtërore për “profecitë” e tij, që gjithnjë rezultuan të vërteta. Dhe pikërisht, kur kishte arritur kulmin si drejtues perfekt i këtij sektori të rëndësishëm, pa asnjë argument e bazë ligjore e “sakrifikojnë” për t’ia dhënë funksionin e tij një beniamini të qeverisë….

Intelektual me shpirt krijues, i talentuar në fushën e veprimtarisë së tij

Në vitin 2019, pas tërmetit të datës 26 Nëntor që tronditi Shqipërinë nga i cili humbën jetën 51 shtetas nga Durrësi, Thumana dhe Laçi, Shemsiu është thirrur nga Presidenti i Republikës në detyrën e Këshilltarit të Posaçëm të Presidentit për Rendin dhe Mbrojtjen Civile, detyrë të cilën vazhdon ta ushtrojë me profesionalizëm të lartë.

Ka kontribuar profesionalisht si Kryetar i Grupit të Punës për hartimin e ligjit të ri “Për Mbrojtjen Civile” të Republikës së Shqipërisë 2016-2018.

Ka kontribuar si kryetar grupi dhe anëtar pёr hartimin e dokumentave të rëndësishme si plane dhe vlerësim risku ndaj fatkeqësive.

Referuar fjalorëve encikolopedikë: “intelektuali është njeri i pajisur me intelekt, që ka talent dhe krijon vepra të bazuara në talentin dhe arsimimin e tij. E thënë më shkoqur, intelektuali është një njeri i mençur, i urtë dhe krijues i talentuar në fushën e veprimtarisë së tij. Nga pikëpamja njerëzore, intelektuali i mirëfilltë është human, zemërgjerë, që di t’u bëjë lëshime atyre që mendojnë ndryshe nga ai, është njeriu që, dialogun me kundërshtarët e tij në mendime e ka në bazën e veprimtarisë së tij, njeri që krijimtarinë e vet intelektuale e drejton në të mirën e njerëzve, pavarësisht nga përkatësia politike, kombi apo raca….”.

Pavarësisht këtyre referencave nga fjalori enciklopedik, në të vërtetë këto virtyre mishëron në karakterin dhe intelektin e tij, intelektuali i mirëfilltë Shemsi Prençi.

Ai ka kontribuar edhe në përgatitjen e disa kurrikulave dhe leksioneve për Akademinë e Rendit Publik.Wështë angazhuar në mësimdhënie, leksione e seminare për përgatitjen e oficerëve të rinj.

Ka përgatitur dhe botuar me dhjetëra artikuj profesionalë në median e shkruar.

Ka dhënë kontributin profesional në analizat e zhvilluara në emisionet në televizionet Kombëtare dhe Lokale për probleme të rendit e sigurisë publike dhe për Mbrojtjen Civile të Republikes.

Mesazhet që përcillnin shembullin e tij kanë emrin KRENARI. Krenaria ka nevojë për një truall, për një shtrat që rritet…E pikërisht në këtë shtrat ka ecur dhe ecën Shemsi Prençi, i përshtatur mirë me kohën, bujar, fisnik, intelektual i mirëformuar dhe i zoti, që ka çarë në jetë me mençuri e e sakrifica.

Ai është edhe një bashkëshort e prind shembullor. Servete dhe Shemsi Prençi, të martuar në gusht 1990 kanë tre djem: Jetmiri (inxhinier) e Emiliano (ekonomist) të lindur në Shkodër dhe Kevini (nxënës shkolle), lindur në Tiranë, të cilët do të kenë mundësi të udhëhiqen nga shembulli i babait në rrugët e jetës.

Shemsi Prençi është ndër të rrallët që shfaq në çdo rast dëshirën e tij të madhe që t’i mbajë gjallë lidhjet me miqtë e farefisin. Jo vetëm rikunstruksioni që ai bashkë me vëllezërit e tij i bënë shtëpisë së prindërve në vendlindjen e tyre, në Muhurr, por edhe plot shembuj të ndihmës e mbështetjes që bujarisht u ka dhënë dhe u jep dibranëve, të njohur e të panjohur, tregojnë se Shemsi Prençi ishte dhe mbetet një fisnik i vërtetë, nëse kjo fjalë ka ende ndonjë rezonancë. Patriotët dhe punëtorët e mendjes si ai janë shembëlltyra e asaj ç’ka kemi më të mirën si komb…