Në një postim në Facebook, Presidenti Ilir Meta përkujton një prej figurave më të shquara patriotike që ka pasur kombi shqiptar, Papa Kristo Negovanin, duke thënë se e nderon përjetë me kontributin e çmuar që ka dhënë për pavarësinë e Shqipërisë .
Postimi i plotë i Metës
Sot, përkujtojmë me nderim 115-vjetorin e ndarjes tragjike nga jeta të një prej figurave më të shquara patriotike të kombit dhe klerit shqiptar, Papa Kristo Negovani.
I martirizuar për aktivitetin e tij të jashtëzakonshëm iluminist në mbrojtjen, promovimin dhe përhapjen e gjuhës shqipe, si dhe të vlerave tona më të mira kombëtare, Papa Kristo Negovani, do të nderohet përjetë për kontributin e çmuar që dha për çështjen shqiptare dhe pavarësinë e Shqipërisë, deri edhe me sakrificë sublime.
