Kina ka nisur një aplikacion që lejon njerëzit të kontrollojnë nëse janë rrezikuar të preken nga koronavirusi.
‘Detektori i afërt i kontaktit’ u thotë përdoruesve nëse ata kanë qenë pranë një personi që është konfirmuar ose dyshohet se ka virus.
Pasi aplikacioni i ri të regjistrohet me një numër telefoni, përdoruesve u kërkohet të shkruajnë emrin dhe numrin e tyre të identitetit. Çdo numër i regjistruar i telefonit mund të përdoret më pas për të kontrolluar gjendjen deri në tre numra të identitetit, shkruan BBC.
Aplikacioni u zhvillua bashkarisht nga departamentet qeveritare dhe Korporata e Teknologjisë Elektronike të Kinës dhe u mbështet nga të dhëna nga autoritetet e shëndetësisë dhe transportit, sipas agjencisë shtetërore të lajmeve Xinhua.
Dihet gjerësisht se qeveria kineze kryen nivele të larta të mbikëqyrjes mbi qytetarët e saj, por ekspertët e fushës sugjerojnë, në këtë rast të paktën, ajo nuk do të shihet si e diskutueshme brenda vendit.
Personat e identifikuar si në rrezik këshillohen të qëndrojnë në shtëpi dhe të informojnë autoritetet lokale shëndetësore.
