Petrit Vasili: Të vërtetat reale, por të hidhura me energjinë!!

Energjia eshte shnderruar ne nje miniere korrupsioni pa fund dhe ne instrument kercenimi e shantazhi per qytetaret.

Sot kur raportonte ne Kuvend ERE, rilindasit qe ulerasin ne kor per energjine, kur i kurdis Edi Rama sot u zhduken dhe nuk jua kerciti fare per të, megjithe shantazhet e Rames per rritje te çmimit ne muajin gusht te ketij viti.

Po si qendron e verteta!

Prodhimi energjisë në vend për 2022 ka qënë 14 % më i lartë se mesatarja nga 2009-2022.

Atëherë pse u aprovua në kundërshtim dhe me praktikën e ligjit 43/2015 vendosja e fashës 800 kW me tarifën ekzistuese dhe mbi këtë fashë 343 lekë të vjetra kwh?

Absolutisht absurde, sepse në raport është vlerësuar si një vit relativisht i mirë hidrologjik.

Konsumi total në vend ka qënë 7925 GWh, dhe pamjaftueshmëria ka qënë vetem 861 GWh.

Atehere si shpjegohet që ju si ERE miratoni tarifa faturimi në dëm të qytetarëve për të paguar humbjet në sistem dhe paaftësinë totale për të arkëtuar borxhet, të cilat janë gati dyfishi sasisë së pamjaftushmërisë.

Kriza globale ka patur zero ndikim në sigurinë e furnizimit.

Është shume e qarte se keq administrimi dhe abuzimi korruptiv i frikshem që kane ndikuar në sistemin energjitik të vendit. Kjo shfaqet fare qartë nëse rishikon edhe prodhimin e vitit 2021 I cili ishte 9 milion MWh.

Ndërkohë që sot ERE duhet të vinte me një miratim të uljes së tarifës për qytetarët shqiptarë

Dhe kjo pasi për vitin 2023 sistemi energjitik shqiptar, rezulton të jetë neto eksportues dhe këtu do dukej pavarësia e këtij institucioni nga qeveria e cila vijon të kërcënojë qytetarët me rritje tarife në mënyrë absurde dhe çnjerëzore.

ERE nuk mund të vijë të raportojë se ka miratuar programe ekonomike dhe plane zhvillimi të sektorit të energjisë elektrike dhe gazit të cilat mbajnë në konservim TEC Vlorën, liçensojnë anijet e prodhimit të energjisë me mazut me çmim 150 Euro më të lartë se bursa jo funksionale shqiptare e energjisë, kur fare mirë mund të ishte vënë TEC Vlora në punë dhe vetëm me naftë.

ERE nuk mund të vijë me një raport që nuk thote te verteten për realizimin e investimeve sipas planeve të zhvillimit 10 vjeçar.

Si mund të thuhet që eshte realizuar 80% të planit, kur ke zero punime për linjën e interkonjuksionit 400kV, Bitola-Elbasan-Fier, është braktisur investimi për Unazën e Tiranës (Projekti Efiçensës së Energjisë), është braktisur linja Komsi-Shumat, dhe ndërtimi disa linjave në qarkun e Elbasanit.

Ky plan zhvillimi që raporton ERE nuk i paraprin dot nevojës që të mund të operojnë të gjithë të liçensuarit përgjatë 2022, për të instaluar kapacitete të reja prodhuese, të cilët aktualisht janë mbi 6000 MW.

Kjo tregon të mos kuptosh fare sistemin energjitik ose të kesh vendosur ta sabotosh atë.

Ky raport i ERE fakton deformimin e tregut të energjisë dhe konfirmon modelin e dështuar që kane vendosur të zbatojne.

Favorizohen klientët e qeverisë të cilët e kanë kthyer pasurinë publike në pronë private duke zhvatur qytetarët, të cilët paguajnë tarifa energjie për të mbuluar kostot e korrupsionit qeveritar.

Për sektorin e gazit me keqardhje duhet të themi se jetoni në orbitë tjetër.

Arrini deri aty që raportoni ende për konsultime me kompani, te cilave iu është hequr liçensa nga ministria dhe madje kanë çuar shtetin shqiptar në arbitrazh.

Raportoni për zgjerimin e kapacitetit të TAP , kur sapo kanë miratuar sipas Market Test që zgjerimi do realizohet vetëm për 5bcm dhe jo për 10 bcm siç ishte parashikuar, duke mos realizuar ndertimin e stacionit të kompresorëve në Bilisht, si të panevojshëm.

Kjo fakton që projekti për IAP nuk është asgjëkundi lëre pastaj projekti ALKOGAP me Kosovën. Tek ky sektor jeni kampionët e zeros.

Fatkeqësisht për Shqipërinë edhe pse jetojmë në epokën kibernetike dhe të inteligjencës artificiale, energjinë e sigurojmë mbi 65% nga lënda drusore.