Kryeministri Rama: Duhet të jemi të përgatitur për më të keqën

370
Sigal

Edi Rama ka theksuar se gjatë qëndrimit në shtëpi si masë ndaj Covid-19, ai ka komunikuar të gjitha shqetësimet e tyre.

“Qytetarët i kam vetë në faqen time i lexoj, i dëgjoj, komunikoj me ta dhe jam shumë i qartë se çfarë shqetësimesh kanë. Ka një skuadër që merret me gjithë ankesat, shqetësimet që shkruhen jo vetëm në faqen time po kudo në rrjetet sociale. Gjëja e përbashkët e të gjithëve është shqetësimi se kur do të mbarojë. Duhet të jemi të përgatitur për më të keqën, dhe pastaj çfarë do të dalë më mirë, e kemi qarë siç thoshin tironsit. Të përgatitemi dhe të stërvisim durimin tonë çdo ditë, të kemi shumë besim që do t’ia dalim me patjetër. Nuk është se e them, se të gjithë e thonë, por do t’ia dalim nëse do të zbatojmë hap pas hapi si një trup i vetëm strategjinë që ne kemi dhe që përkthehet në të gjitha hapat sipas planit të reagimit”.