‘Deklarata e Ramës për krizën energjetike’, Vasili: Grackë për të rritur çmimin e energjisë elektrike, SPAK të hetojë

167
Sigal

Nënkryetari i Lëvizjes Socialiste për Integrim, Petrit Vasili nëpërmjet një postimi në “Facebook”, ka reaguar për krizën energjetike të paralajmëruar nga kryeministri Edi Rama.

Vasili e konsideron këtë situatë një mashtrim të radhës kryeministrit, duke theksuar se ai foli për kataklizëm energjie,- “foli e tha që çmimet jo vetëm do të rriten, por nuk do të ulen edhe kur kriza të ketë mbaruar”, shprehet Vasili.

Nënkryetari i LSI-së më tej thekson se deklarata e Ramës ishte një grackë e re për të mbushur arkën e boshatisur të pushtetit me gjakun dhe sakrificat e shqiptarëve, ndërsa shton se në këtë moment të shpërdorimit të detyrës sipas tij nga Rama, SPAK duhet të hetojë.

“Përse SPAK-u ka taposur gojën? Përse SPAK-u mbyll sytë dhe nuk heton qeverinë OSHE dhe KESH për shpërdorimin e tmerrshëm me paratë publike dhe demin kolosal? Përse SPAK- nuk heton kryeministrin që shpërdoron pushtetin për deklaratat destabilizuese për gjoja krizë duke tronditur shqiptarët?

Edhe sa kohë SPAK- u do vazhdojë të funksionoje me regji? Edhe sa kohë SPAK- u do vazhdojë ekskursionet nga Lushnja, Pogradeci, cironkat e deri tek RTSH, por pa u ndalur kurrë te qeveria? Kjo krizë e stisur nga Rama kërkon ndëshkim shumë të rreptë nga drejtësia”, shkruan më tej Vasili.

Postimi i plotë:

Abortimi i krizes se kryeministrit frikacak dhe drejtesia e kapur!

Abortimi i gjasme krizes energjitike erdhi shume shpejt si cdo mashtrim i trashe i ketij kryeministri te kapur dhe vulgar.

Rama foli per kataklizem energjitike, foli e tha qe çmimet jo vetem do te rriten, por nuk do te ulen edhe kur kriza te kete mbaruar.

Por sapo qe i gjithe opinioni dhe politika u ngrit ne kembe dhe provoi qe kjo ishte thike pas shpine per shqiptaret e varfer dhe mashtrim per te mbuluar baderdine me parate publike nga qeveria OSHE dhe KESH, Rama i trembur gjer ne palce u terhoq turpshem.

U tund mali dhe polli nje mi!

Kataklizmoja u harrua dhe na doli qe gjendja ne hidrocentralet qenka e mire.

Deklaratat apokaliptike te se djeles se shkuar te kryeministrit u harruan dhe veç dihatjes histerike dhe shqyerjes se syve te aktrimit mashtrues nuk mbeti asgje tjeter.

Por mbeti edhe fakti qe strategjia e piset e kryeministrit ishte: te provojme t’ua rrisim çmimin e energjise, po e hengren dhe nuk reaguan mire, ne te kundert terhiqemi sikur s’ka ndodhur gjē.

Ky mashtrim i rende publik ishte paradhoma e nje gracke te re te menduar nga Rama dhe te tijte per te mbushur arken e boshatisur te shtetit me gjakun dhe sakrificat e shqiptareve duke u futur edhe te buka e gojes se tyre.

Kryeministri frikacak abortoi dhimbshem dhe ne fund te te gjithe kesaj krize si furtune ne gote mbeti vetem fakti qe rrogat e pensionet nuk do te rriten kurre sa te jete Rama!

Asgje e re kur dihet qe per kete kryeminister shqiptaret nuk ekzistojne sepse ekzistojne vetem miliardat e koncesioneve, qe ndahen me oligarket, ekzistojne qindra tendera sekrete dhe te hapur, qe grijne miliona etj etj.

Por asgje nga keto nuk ka rendesi pasi dihet qe kryeministri eshte i akaparuar nga mijra interesa te tjera te errta, te cilat jane te gjitha kunder shqiptareve!

Por ka shume rendesi vetem nje çeshtje, ne kete moment kur shperdorimi i postit te kryeministrit ka arritur kulmin dhe qe eshte roli i drejtesise perballe abuzimit te dhunshem te postit shteteror dhe pasojave qe ai ka mbi njeriun e thjeshte.

Ndaj te gjithe pyesim me ze te larte:

Perse SPAK-u ka taposur gojen?

Perse SPAK-u mbyll syte dhe nuk heton Qeverine OSHE dhe KESH per shperdorimin e tmerrshem me parate publike dhe demin kolosal?

Perse SPAK- nuk heton kryeministrin qe shperdoron pushtetin per deklaratat destabilizuese per gjoja krize duke tronditur shqiptaret?

Edhe sa kohe SPAK- u do vazhdoje te funksionoje me regji?

Edhe sa kohe SPAK- u do vazhdoje eskursionet nga Lushnja, Pogradeci,cironkat e deri tek RTSH, por pa u ndalur kurre e kurre te qeveria?

Kjo krize e stisur nga Rama kerkon ndeshkim shume te rrepte nga drejtesia.

Kjo Drejtesi e ashtuquajtur e “re” nuk perballet me kete manipulim publik kaq te rende, nuk perballet as me baderdine e OSHE dhe te KESH, nuk perballet as me Teatrin, Inceneratoret, Becchetin?
Atehere ç’dreq drejtesie eshte kjo??