Dufi 20 vjeçar i Ramës, Pandemia dhe shëmbja e TK??!!
Prof. Dr. Kastriot Islami, ish Kryetar i Parlamentit
Janë gjithnjë e më të paktë ata që ju besojnë statistikave qesharake shqiptare për COVID-19. Të manipuluara nga e njëjta bandë rilindasish, që ka instaluar mashtrimin dhe injorancën në Shqipëri… Cdo ditë e më shumë po rritet numri i atyre qytetarëve mëndjehapur që e konsiderojnë tallje me inteligjencën e tyre deklamimin e turpshëm e pompoz të informacioneve mbi situatën epidemiologjike në Shqipëri. Këtë gjë e vulosi Rama sot. Tre ditë para se do të shëmbte teatrin tinëzisht natën, Rama kishte deklaruar 38 të infektuar në tre ditë, kurse sot, pasi e hodhi në erë me “sopatë në dorë” edhe një objekt tjetër kulture e trashëgimie, urdhëroi që komiteti të deklaronte vetëm 2 të infektuar!!! Të gjithë tallen e qeshin me të dhënat e Ramës për COVID-19.. Dhe tallja më e madhe është me Kryeministrin e pagdhëndur qimeshpupurisur që nga njëra anë kërcënonte me rivendosje të izolimit/karantimit për shkak të rritjes së rasteve të infektimit dhe nga ana tjetër mburrej me “zero vdekje”, njëlloj si anëtarët e byrosë politike në vitet ’80 me medaljen e vëndit më të mirëushqyer në botë??!! Dhe për më tepër, kur pasi shkatërroi Teatrin Kombëtar, fillon të fliste sikur asgjë nuk kishte ndodhur dhe pandemia s’kishte ekzistuar!
***
Që nga data 30 prill 2020 dhe deri sot në datën 18 maj 2020 numri i vdekjeve është për fatin e madh 31. Një shifër magjike që do zoti mbetet e pandryshuar, deri në fund se përndryshe Rama do të na akuzonte ne kundërshtarët që shkaktuam vdekjet nga COVID-19!! Së paku prej 20 ditësh zoti na ka ruajtur! Ndërkohë që në datën 30 prill numri i të intektuarëve ka qënë 773, sot në datën 18 maj ka arritur në 948 duke u rritur me 175 vetë… ???!!! Pra zoti na ka privilegjuar në këtë fazë fundore vetëm duke na infektuar por duke na ruajtur nga të sëmurët rëndë dhe nga vdekjet!!! ??? Shyqyr, se jemi njerëz të mirë dhe zoti na ka ruajtur mirë! Nuk do e cajmë kokën për infektimet që janë rritur me 23 %, mjafton që vdekjet kanë mbetur te zeroja??!! Ky është sukses që as vaksina dhe as imuniteti i tufës s’do të mund ta kishin arritur??!! Ky është “sukses” me të cilin duhet të mburret Rama dhe duhet ti cajë veshët të gjithë Europës e planetit… ! Sepse pa vaksinë dhe pa masa drastike, e me opzitën kundër, me teatrin mbi shpatulla, Rama e ka sfiduar dhe mundur “armikun e padukshëm”… ndërkohë që kishte përballë edhe opozitën, pra armikun e dukshëm! Një sukses i tillë s’ka ndodhur në asnjë vënd të planetit e zorr se do të ndodhë në historinë e virusologjisë??!!!
***
Dhe së fundmi indeksi CFR apo numri i vdekjeve për 100 të infektuar, në datën 30 prill 2020, ka qënë CFR (30 prill 2020)=31/733*100= 4,24 kurse sot në datën 18 maj ky indeks është CFR(16 maj 2020)= 31/948*100=3,27. Pra vetëm për meritë të Edi Ramës, pa bërë asgjë, pa masa drastike, pa vaksinë, pa imuntet të tufës, vetëm duke shëmbur natën teatrin, Rama për për rreth 20 ditë ka mundur ta ulë CFR nga 4,27 në 3,22?! Askush tjetër në botë nuk do të mund ta bënte dot një gjë të tillë! Ju që nuk e besoni, plasni nga inati!
***
Kjo është një “histori suksesi” për tu shënuar në Guiness!!! Zorr se dikush tjetër do të mund ta arrijë një rekord të tillë planetar! Rrini të qetë sot e tutje se deri nga shtatori zorr do të ketë marrëzi të tjera për ta bërë edhe më të “cuditshëm” rekordin planetar! Le të shkojmë në pushimet verore duke u mburrur edhe ne shqiptarët me një rekord botëror nga kjo pandemi! Merita i takon sigurisht Edi Ramës! Ndonjëri do të thotë se kjo është marrëzi, sigurisht që e ka gabim! Sepse pa hile e mashtrime s’mund të futesh në Guiness… Shpikja e Ramës është si veza e Kolombit, thjesht duke manipuluar vetëm disa shifra nga pandemia ose akoma më thjesht, duke e mbajtur të pandryshuar shifrën e vdekjeve e duke akuzuar cilindo që kërkon të vërtetën mbi këtë shifër si vdekje-ndjellës !
***
Rëndësi ka që kjo është një “histori suksesi” që do të mbahet mënd gjatë ! Po ashtu si dhe fakti që kjo pandemi u mbyll vetëm pasi Edi Rama nxorri dufin 20 vjecar për të shkatërruar natën e si frikacak Teatrin Kombëtar!
