E ftuar ditën e sotme në një emision ka qenë kuzhinierja shqiptare Silvana Musej, e cila po gatuan për të gjithë personazhet VIP të ftuar dhe pjesëmarrës në Festivalin e Sanremos.
Musej ka treguar se është duke përgatitur një sërë recetash, të konsultuara më parë edhe me stafin e saj, teksa e ka konsideruar grupin e punës si një familje që bashkëveprojnë për një qëllim.
Gjithashtu, kuzhinierja shqiptare ka treguar se personazhi i njohur për të cili ka gatuar dhe i ka shërbyer ka qenë aktori dhe këngëtari i njohur italian Gianni Morandi.
“Jemi një grup, si familje. Ne po mundohemi të organizojmë në mënyrë sa më të mirë këtë edicion.
Gjëja më e veçantë që ka ndodhur është se kam qenë duke shërbyer pjatat tona jo vetëm duke gatuar. Emocioni më i veçantë që klienti e merr kënaqësinë direkt. Nuk kemi një recetë më të vështirë, sepse jemi konsultuar më parë për këtë gjë. Personazhi më i famshëm që i kam shërbyer është Gianni Morandi“- tha Silvana Musej.
Silvana Musej nga Kavaja është kuzhiniere profesioniste në Itali.
Ajo jeton prej 23 vitesh në Piemonte dhe është zgjedhur të gatuajë për këngëtarët dhe të ftuarit e “Festivalit të Sanremos”, mes shefave më të mirë të kuzhinës italiane.
Silvana është po ashtu fituese e medaljes së argjendtë në konkursin kombëtar për “Lady Chef” në Itali.
