Tentuan të shkonin me gomone drejt Britanisë së Madhe, kapen 12 shqiptarët

59
Sigal

12 shqiptarë janë arrestuar nga autoritete belge, pasi janë kapur duke kaluar kanalin e La Manshit me gomone për të shkuar në Mbretërinë e Bashkuar.

Në lidhje me këtë rast janë arrestuar dy shtetas belgë, 40 dhe 44 vjeç, të cilët akuzohen se kanë kontrabanduar në mënyrë ilegale emigrantë shqiptarë me gomone drejt Mbretërisë së Bashkuar.

Arrestimet pasuan një operacion muajin e kaluar, ku policia belge parandaloi një varkë  duke u larguar nga bregu pranë qytetit të Nieuëpoort në Flanders.

Oficerët e Agjencisë Kombëtare të Krimit të Mbretërisë së Bashkuar arrestuan gjithashtu një anëtar të tretë të dyshuar të grupit të krimit në Aylesbury, Buckinghamshire. Oficerët e NCA-së tani kanë arrestuar te burrat shqiptarë pas një bastisjeje në një pronë në Sherwood, Nottingham.

Dy burrat, të moshës 48 dhe 44 vjeç janë ndaluar me dyshimin se kanë ndihmuar në emigracionin e paligjshëm. Ata mbeten në paraburgim dhe po merren në pyetje.

Komandanti i degës së NCA-së, Colin Williams, tha: “Hetimi ynë është përqendruar në individë të dyshuar për përfshirje në përpjekjen e tetorit për të anashkaluar kontrollet kufitare të Mbretërisë së Bashkuar duke përdorur një varkë me fuqi të lartë.

“Trajtimi i kontrabandistëve të njerëzve është një prioritet për NCA-në dhe ne po bëjmë gjithçka që mundemi për të synuar rrjetet që ndikojnë në MB, qofshin ato që veprojnë në brigjet tona apo jashtë shtetit”.

NCA ka paralajmëruar më parë se grupet e krimit të organizuar po kërkojnë të gjejnë mënyra të reja për të anashkaluar kontrollet kufitare, duke përdorur varka më të mëdha dhe më të shpejta, si dhe duke zbarkuar emigrantët më tej në vijën bregdetare të Mbretërisë së Bashkuar