Një 39-vjeçar shqiptar i cili u plagos si pasojë e rënies nga një kantier ndërtimi para një jave në Greqi, ka ndërruar jetë mesditën e sotme. Mediat greke shkruajnë se shqiptari ndërroi jetë pas disa ditësh në spital.
39-vjeçari mbeti i plagosur rëndë duke rënë nga një skelë rreth tetë metra e lartë, nga ku u transportua menjëherë për në spital.
Mësohet se 39-vjeçari shqiptar jetonte në Rethymno të Greqisë dhe ishte babai i dy fëmijëve.
