Shtatë makina janë përfshirë këtë mbrëmje në një aksident masiv pranë ish-Kompleksit ‘Dinamo’ në Tiranë.
Në aksident siç shikohet edhe nga fotot janë përfshirë 3 automjete luksoze tip ‘Audi’ ndërsa njëra prej tyre është një mjet tip ‘BMW’
Nga aksidenti thuhet se nuk ka persona të lënduar, ndërsa vlera e dëmit llogaritet në mijëra euro.
Shkak për këtë aksident thuhet se është bërë një drejtues mjeti, ndërsa priten të dalin edhe rezultatet e testit të alkoolit.
Nga sa mësohet nga dinamika e aksidentit, ndërsa mjeti tip “Audi” ngjyrë e bardhë me targë ‘AA 855 US’ po dilte nga lokali ku ishte parkuar, një tjetër makinë tip “Audi” ngjyrë gri ka ardhur nga pas me shpejtësi të lartë duke u përplasur me “Audin” e bardhë.
Në tentativë për të shmangur përplasjen, makina ka devijuar duke përplasur makinat e tjera të cilat ishin të parkuara në krah të rrugës njëra prej tyre tip “BMW”, një “Toyota” dhe “Benz”.