Një aksident rrugor është regjistruar në orët e pasdites në superstradën Lezhë-Shkodër. Ngjarja ka ndodhur në kryqëzimin e Gjadrit ku një automjet ka përplasur një motoçikletë.
Nga aksidenti raportohet se janë plagosur dy persona, burrë dhe grua, të cilët janë transportuar në gjendje të rëndë drejt spitalit.
Policia e mbërritur në vendngjarje ka nisur hetimet për aksidentin.
