Një i moshuar, rreth 75 vjeç, raportohet të ketë humbur jetën sot rreth orës 15:40, në zonën e Rrethit të Yzberishtit, Tiranë.
Trupi i pajetë i shtetasit L.B. është konstatuar në rrugë nga kalimtarë të rastit.
Nga këqyrja paraprake nuk janë vërejtur shenja dhune në trupin e viktimës.
Autoritetet dyshojnë se shkaku i humbjes së jetës mund të jetë një arrest kardiak, por grupi hetimor po vijon punën për të përcaktuar shkaqet e sakta.
