Një person ka humbur jetën si pasojë e një aksidenti rrugor të ndodhur në Sauk. Nga informacionet e para bëhet me dije se drejtuesi i automjetit, Gëzim Llënga, ka humbur kontrollin e mjetit dhe ka dalë jashtë rrugës. Ngjarja ka ndodhur pranë rrethrrotullimit të Unazës së Re, ndërsa ka mbetur i bllokuar brenda automjetit. Në vendngjarje ka mbërritur policia dhe zjarrëfiksja për të nxjerrë jashtë automjetin drejtuesin e pajetë të tij, ndërsa vijojnë hetimet për zbardhjen e rrethanave në të cilat ka ndodhur ngjarja.
