Me galaktikën në vallëzim,
kurora e Tokës po shkëlqen…
Miliarda vite më parë krijim,
bashkim materiesh në shpërthim,
me përqafim të blertë sot vjen…
Mori gjallesash erdhën në jetë,
mes tyre frymon edhe njeriu;
Nëpër pyje mbetur të shkretë,
kur egoja gjelbërimin përpiu…
As vetë forcat gravitacionale,
nuk e mposhtën dot grykësinë…
si vullkan ndienjat irracionale,
djegur me magmën dhe pabesinë,
në zemër kanë zaptuar njerinë!
Një oqean dëshirash i pafund,
qëndron midis kohës e hapësirës…
Meridiani përreth globit përkund,
ndjesinë e ujit mes shkretëtirës…
