Gjuetarëve në Suedi iu deshën vetëm dy ditë për të vrarë më shumë se 150 arinj, rreth një e treta e numrit të lejuar nga autoritetet për të gjithë sezonin e gjuetisë .
Pak ditë më parë autoritetet dhanë lejen për të vrarë 486 arinj për këtë vit, një numër që përkon me 20% të popullsisë së gjitarëve në vend. Që nga e enjtja e djeshme, në ditën e dytë të sezonit të gjuetisë, janë vrarë 152 kafshë.
Vendimi i autoriteteve për të vrarë kafshët ishte i diskutueshëm, me grupet mjedisore që e quajtën atë një “therje”.
Këtë vit, në fakt, siç raporton Guardian , për herë të parë policia ka shoqëruar gjuetarët nga frika e incidenteve. Policia madje patrulloi dhe përdori drone për të ruajtur paqen.
Arinjtë ishin 100 vjet më parë në prag të zhdukjes, por në dekadat e fundit ata janë rikuperuar dhe në vitin 2008 arritën në 3300. Licencat e gjuetisë kanë reduktuar numrin e tyre në rreth 2,400 kafshë me perspektivë të rënies së mëtejshme, në rreth 1,400 që konsiderohet numri minimal për speciet që të jenë të qëndrueshme.
