Në dhjetëra qarqe të kësaj zone ka pasur rrëshqitje të dheut, teksa Indonezia po përballet me stuhi shiu që kanë përmbytur lumenjtë. Moti i keq që po vazhdon, ndërprerja e energjisë elektrike, por edhe terreni i vështirë, po pengojnë përpjekjet e ekipeve të shpëtimit për të shpëtuar më shumë persona, thanë autoritetet.
Autoritetet në Indonezi thanë sot se të paktën 53 persona kanë vdekur si pasojë e rrëshqitjeve të dheut dhe vërshimeve, në rajonin e kryeqytetit, Xhakarta.
Ekipet e shpëtimit po vazhdojnë kërkimet për persona të tjerë, që dyshohet se janë të bllokuar nën baltë, thanë zyrtarët.
Rreth 400 mijë persona raportohet se janë vendosur në strehimore, si pasojë e motit të keq.
Sipas meteorologëve, edhe në ditët në vazhdim, Indonezia do të përballet me stuhi shiu./R.E.L
