Numri i personave që kanë humbur jetën nga koronavirusi në mbarë botën ka tejkaluar tashme shifrën 195,000, ndërsa numri i përgjithshëm i të prekurve po i afrohet pragut 2.8 milionë, kjo është ajo që del nga të dhënat e fundit të publikuar nga Universitetit Johns Hopkins, të cilave u referohet këtë mëngjes ANSA.
Mëngjesi i të shtunës ka shënuar 195.920 vdekje në të gjithë botën, ose 5,059 më shumë sesa një ditë më parë, ndërkohë që 781,382 paciente janë shëruar.
Me 1.258 vdekje në 24 orët e fundit dhe 51,017 në total, Shtetet e Bashkuara mbeten vendi më i prekur në terma absolut nga koronavirusi por bilanci i përditshëm i hartuar nga Universiteti Johns Hopkins zbulon shifrën më të ulët të tre javëve të fundit.
Kjo rënie e njëfishtë, megjithatë – paralajmëron Hopkins – nuk tregon ndonjë prirje tani për tani dhe do të duhet të përsëritet në ditët e ardhshme në mënyrë që të konfirmojë një përmirësim të vërtetë të situatës në vend.
