Sekretari i Përgjithshëm i Partisë së Lirisë, Tedi Blushi, është shprehur se Rilindja e ktheu Korçën shekuj pas dhe ringjalli “Lëndinën e Lotëve”, simbolin e emigrimit në qytet.
Ai shtoi se qytetarët varfërohen, teksa kryebashkiaku Sotiraq Filo shton të ardhurat e tij.
Blushi shtoi se më 14 maj opozita do të arrijë një fitore spektakolare në zgjedhje.
“Rilindja e ktheu Korçën shekuj mbrapa, ringjalli “Lëndinën e Lotëve” simbolin e emigrimit ne qytet.
I vetmi qytetar në Korçë që shtoi të ardhurat në këtë krizë ekonomike është Kryetari i Bashkisë, Sotiraq Filo. Korçarët varfërohen nga kriza ekonomike. Kryetari i Bashkisë Sotiraq Filo deklaron me shumë të ardhura.
Sotiraq Filo shton pasurinë sepse ka në fokus interesin personal, jo të qytetarëve. Korçarët varfërohen, Kryetari i Bashkisë shton të ardhurat. Fermerët e Korçës janë kthyer në simbol të braktisjes së bujqësisë nga Rilindja. Fermerët hedhin prodhimet në kanal, Niko Peleshi dhe Edi Rama u kërkojnë paturpësisht të jene të lumtur.
Anëtarësime të reja në Partinë e Lirisë, dhjetëra të rinj korçarë na janë bashkuar në javët e fundit.
Entuziazmi i jashtëzakonshëm, energjia pozitive dhe puna e palodhur e të rinjve për të mbështetur Partinë e Lirisë është garancia për një fitore spektakolare të opozitës në 14 maj. Në Korçë fitorja do të jetë e rinisë”, u shpreh Blushi.
