Reshje shiu dhe breshër, sinoptikanët tregojnë se çfarë pritet orët në vijim

80

Ashtu sikundër pritej paqendrueshmëria ka përfshirë të gjithe vendin.

Sipas Shërbimit Meteorologjik Ushtarak, për ditën e mërkurë moti sërish parashikohet me kthjellime dhe zhvillime vranësirash në mesditë dhe pasdite.

Në mbrëmje më tepër kthjellime. Reshjet e shiut, do të bëhen të pranishme gati në të gjithë vendin përjashtuar bregdetin. Përkohësisht, reshjet do të marrin formë shtrëngate shoqëruar me shkarkesa elektrike të izoluara dhe breshër.

Era, do të fryjë nga kuadrati i veriut mesatare. Në momentet me reshje dhe përgjatë bregdetit erë e vrullshme, duke u shoqëruar me valëzim të forcës 5 deri 6 ballë.

Temperaturat parashikohen në:
zonat malore 6º deri 18ºC
zonat e ulëta 9º deri 27ºC
zonat bregdetare 12 º deri 27ºC