Emiljano Shullazi, ish-kreu i bandës Rrugës së Kavajës do të lërë sot ambientet e ’41 bis’ të burgut të sigurisë së lartë për tu dërguar në spital.
Shullazi është dërguar në shoqërinë e forcave speciale e snajperistë drejt ambienteve të Spitalit Shtetëror Nënë Tereza ku do t’i nënshtrohet një ndërhyrje kirurgjikale.
Me gjithë insistimin e avokatit që ndërhyrja kirurgjikale ndaj klientit të tij të kryhej në një spital privat, Drejtoria e Burgjeve i ka refuzuar të gjitha opsionet e servirura duke pranuar vetëm variantin e një operimit të Shullazit, në spitalin publik shtetëror.
Pak ditë më parë ai u dërgua me urgjencë drejt një spitali privat në Tiranë ku kreu disa dhe rezulton se është diagnostikuar me një sëmundje të rëndë që mund t’i rrezikojë edhe jetën.
Shullazi dhe grupi i tij është dënuar me 55 vite burg në total, vendim i dhënë nga Gjykata për Krimet e Rënda. Grupi e ka apeluar këtë dënim, por ende nuk ka një vendim nga ana e Apelit.
Për Shullazin dhe pjesëtarët e tjerë është vënë një vit afat për të qëndruar në qelitë e regjimit “41 biss”.
