Shqetësimi i Konfindustrisë vjen pas njoftimeve, se do të rriten me akt ligjor 100 milion euro për një periudhë 10 vjecare ngarkesat fiskale, që do të paguhen nga bizneset dhe qytetarët në cmimet fundore të shitjes së karburanteve. Veprimi i mësipërm do të ishte edhe më i papranueshëm, sepse është në kundërshtim të drejtpërdrejtë me urgjencën e lehtësimit të domosdoshëm të ngarkesës fiskale mjaft të rëndë të karburanteve në vend.
Konfindustria vlerëson, se nuk ka asnjë vlerë emërtimi si koncesion, licensim, etj. i aktit ligjor në fjalë, por rëndësi ka parashikimi dhe ndalimi i pasojave të rënda të rritjes me ligj të cmimeve të karburanteve.
Shqipëria sot është në vendet e para në botë dhe Rajon për cmimet më të larta dhe cilësinë jashtë standarteve të karburanteve, që përbën një goditje shkatërruese në dëm të zhvlllimit të ekonomisë kombëtare, bizneseve dhe mirëqënies së qytetarëve shqiptarë.
Gjergj Buxhuku
Administrator i Përgjithshëm