“Ka djegie të mëdha në gjoks, fytyrë dhe krah”, fqinji tregon se si arriti të shpëtonte nënën dhe djalin pas shpërthimit të bombolës së gazit

216
Sigal

Të tjera detaje dalin në dritë në lidhje me shpërthimin e bombolës së gazit në Kaplik, ku u plagos Sadete Kukaj. Ngjarja ndodhi rreth orës 06:00 të mëngjesit në fshatin Palvar.

Fqinji i familjes Kukaj, Ymer Senaj në një prononcim për mediat ka shpjeguar se si ndodhi ngjarja dhe se si i nxori nga shtëpia djalin dhe të ëmën.

“Kam qenë duke mbushur ujë dhe më thirrën. Kam thyer xhamin dhe derën. Mendoja për djalin.

Hipa prej shkallëve tek dhoma sipër, vura shkallë druri. Mora zorrën e ujit dhe po e hidhja në kuzhinë. Zonjën e shtëpisë e kemi gjetur në tokë. Ambulanca erdhi dhe policia. Bëhet fjalë për bombolën e gazit, ne nuk dëgjuam gjë” -tha ai.

Ndërkohë vëllai i Sadetes, Can Kukaj thotë se motra e tij fatmirësisht është jashtë rrezikut për jetën, ndërsa ka pësuar djegie në gjoks, krah dhe fytyrë.

“Po bënte mëngjesin për djalin dhe burrin. Ka ndodhur fatkeqësia. Është djegur në pjesën e gjoksit pak, krahu është djegur shumë, në fytyrë pak. Nuk është në gjendje kritike për jetën”, tregoi Ymer Senaj.