Një 31-vjeçar është arrestuar nga Policia në Dimal, për shkak se ka hyrë pa leje në banesën e një 20-vjeçare dhe përmes kërcënimit ka kërkuar që ajo të martohej me të.
Familja e të resë e ka denoncuar rastin dhe pas kësaj 31-vjeçari është vënë në pranga, dhe do të përballet me akuzën e kanosjes.
“Nga specialistët e Seksionit për Krimet në Stacionin e Policisë Dimal u bë arrestimi i shtetasit B.C., 31 vjeç, pasi ka hyrë pa leje në banesën e një shtetase 20-vjeçare duke e kanosur dhe shtrënguar në mënyrë që vajza të pranonte propozimin për martesë”, thuhet në njoftimin e policisë.
Materialet i kaluan Prokurorisë së Rrethit Gjyqësor Berat, për veprime të mëtejshme.
