SPAK-u ka mbyllur hetimet për një grup trafikantësh droge drejt Greqisë duke çuar në gjyq 14 të akuzuar.
Me një kërkesë pranë GJKKO, SPAK-u kërkon gjyq për Gentjan Luto, Artur Xhanaj, Florenc Luto, Elisabeta Laçi, Saimir Dushku, Gramos Saliaj, Edmir Asllanaj, Ervin Muçaj, Gentian Xheka, Agim Myrtaj, Elidjon Xhanaj, Petrit Kasaj, Behar Kasaj dhe Arjan Lushkaj.
Ata janë të gjithë në arrest me burg dhe akuzohen nga Prokuroria e Posaçme kundër Korrupsionit dhe Krimit të Organizuar për:
1.Trafikimi i narkotikëve
2.Grup i strukturuar kriminal
3.Organizatë kriminale dhe grup i strukturuar kriminal
Këta persona akuzohen se gjatë muajve prill- maj 2019 kanë organizuar tre raste trafikimi droge, dy prej të cilave në tentativë e sipër.
Vitin e kaluar Policia zhvilloi operacionin “Bistrica” ku u sekusruan 145.6 kg lëndë narkotike e llojit Cannabis Sativa; 3 armë zjarri dhe municion luftarak, 4 automjete të markave të ndryshme; një sasi vlerash monetare, 14 aparate celularë me kartat Sim të markave të ndryshme.
