Marash Kumbulla shënoi golin e fitores në Europa Ligë Romës kundër Young Boys mbrëmë derisa ka treguar se kujt ia dedikon këtë gol
Ish futbollisti i Veronës shënoi në debutimin e tij në Europë.
“Ishte një debutim i jashtëzakonshëm, ne fituam duke falënderuar golit tim por jam i lumtur që skuadra ka fituar për golin tim”, tha ai Sky Sport.
“Në pjesën e parë ata bënin presion lart, ne vuajtëm por është normale, në pjesën e dytë presingu i tyre lart ishte me e vogël”.
Kumbulla (20) ka pasur një fillim shumë pozitiv këtë sezon pasi që kompletoi huazimin me opsion blerje nga Verona verën e kaluar.
“Jam adoptuar mirë, mendoj kështu. Kjo duke falënderuar trajnerin, skuadrën dhe stafin që me kanë integruar menjëherë. Pa ta nuk do të ishte kaq e lehtë”.
“Këtë gol ia dedikoj skuadrës sepse i dha fitoren asaj në një fushë të vështirë”.
