Basha: Dështimi me integrimin europian s’mund të zëvendësohet nga propaganda anti-europiane

423
Sigal

Kryetari i PD, Lulzim Basha ka reaguar pas deklaratës së kryeministrit Edi Rama në Ohër për mini shengenin ballkanik. Në një status në rrjetet sociale, Basha i quan deklaratat e Ramës propaganda anti-evropiane.

“Lëvizja e lirë e njerëzve, mallrave, shërbimeve dhe kapitalit është thelbi i integrimit europian dhe Europës së bashkuar. Parakushte për lëvizjen e lirë janë demokracia, sundimi i ligjit dhe garantimi i të drejtave dhe lirive themelore të njeriut.

Dështimi me integrimin europian nuk mund të zëvendësohet nga propaganda anti-europiane e një autokrati të korruptuar, shkaktar i prapambetjes ekonomike dhe varfërimit të qytetarëve shqiptarë. Ka ardhur koha që Shqipëria të nxjerrë në dritë potencialin e saj të vërtetë!”, shkruan Basha.