LSI në protestë me PD, Kryemadhi: S’do lejojmë të “kapet” Kryeprokurori

81
Lëvizja Socialiste për Integrim do të protestojë të hënën bashkë me Partinë Demokratike. Duket se qëllimi është i përbashkët, të mos lejojnë zgjedhjen e një prej kandidatëve për Kryeprokuror të Përkohshëm që të hënën do të kalojnë në Kuvend. Me anë të një statusi në Facebook, kryetarja e LSI-së, Monika Kryemadhi sqaron arsyet pse LSI-ja do të dalë të hënën në protestë. Ajo nuk i kurseu as akuzat e drejtpërdrejta për kryeministrin, Edi Rama.
STATUSI I PLOTE
Capture
Në këtë vend nuk ka më drejtësi!
Edi Rama vendosi duart e tij të përgjakura me krim, edhe tek i vetmi institucion që nuk e kishte nën kontroll. Kapja e prokurorise nga krimi dhe banditët e pushtetit shënon fundin e shtetit dhe demokracisë.
Kjo është dita më e errët në historinë e demokracisë shqiptare!
Kurrë më parë pushtetet nuk kanë qenë në duart e një njeriu të vetëm, të një pushteti bandit që drejtohet nga kryetrafikanti i drogës, shefi i drejtpërdrejtë i Saimir Tahirit dhe policëve të inkriminuar, që me përpjekjen e fundit po dëshmon frikën për t’i shpëtuar drejtësisë.
Sot më shumë se kurrë është detyrë e jona, e politikës së papërlyer me krimin, e qytetarëve që ende besojnë te vlerat e demokracisë të rrëzojmë nga pushteti këtë klikë kriminale.
Të protestojmë për të larguar banditët nga pushteti. Revolta e protestës qytetare është arma që mund të rrëzojë nga karriget banditët e veshur me pushtet.
Asgjë dhe askush nuk mund ta ndalë këtë revoltë. As paratë e krimit, as pazaret dhe kulisat nuk e shpëtjnë dot më Edi Ramen nga fundi i paralajmëruar që do ti vijë nga qytetarët e ndershëm të këtij vendi.