Një aksident i rëndë është regjistruar mesditën e sotme, në Shkodër, ku kanë mbetur të lënduar 4 persona.
Ngjarja ka ndodhur në vendin e quajtur ish-Fermentimi në Shkodër, ndërsa bëhet me dije se janë përplasur dy mjete.
Për pasojë, janë lënduar katër persona, mes të cilëve dy të mitur. Aktualisht, të plagosurit ndodhen në spitalin e Shkodrës dhe janë jashtë rrezikut për jetën.
Policia ka nisur hetimet për zbardhjen e aksidentit.