“Tritoli”, Patozi: Jam në krah të Tahirit, por ai duhet të na mbrojë

    27

    Deputeti i Partisë Demokratike Astrit Patozit ka deklaruar në seancën e sotme plenare se dënon sulmet ndaj ministrit Tahiri dhe është në krah të tij duke e mbështetur si politikan dhe si koleg. “Por”- theksoi Patozi “Tahiri nuk është aty që ta mbështesim ne sa herë ta sulmojnë, por që të na mbrojë ai ne nga këto sulme.”
     
    Gjithashtu  ai thekson se medaljet që ia vendos herë pas here Rama Tahirit nuk kanë shumë kuptim, sa kohe qe ministri ka me shume nevoje për mbështetjen e të pambrojturve, se sa kemi ne për mbrojtjen e tij.

    “Vendi është prej kohesh në darën e krimit të organizuar, por kryeministri nuk pushon se dhëni dekorata dhe medalje për ministrin e Brendshëm. Jetojmë në epokën e tritolit si asnjëherë më parë, por kjo konsiderohet merite për shkak se, sipas Edi Ramës, qeveria e paska prekur ne kallo mafian. Por me këtë bilanc te zymte i bie që njerëzit të luten që qeveria te mos e ngacmojë më krimin e organizuar, sepse ishim me mire kur paskemi qene me keq. Është gati aksiomë që politika nuk flet asnjëherë në kohën e shkuar. Por kryeministri na fton që ta harrojmë tritolin dhe grabitjet skandaloze te bankave dhe dyqaneve ne mes te Tiranes, por t’i njohim ministrit te brendshëm meritën e ndërhyrjes ne Lazarat. Që të harrojmë pasigurinë e sotme, por të gëzohemi me suksesin e tij të djeshëm, gjithmonë nëse ka qenë i tillë. Na është kërkuar edhe në këtë sallë solidaritet me ministrin e Brendshëm, pasi dikush guxoi dhe vuri një bombe me telekomande ne biznesin e babait te tij. Plotesisht dakord. Jam në krah te Saimir Tanirit, për atë ngjarje të rende, si politikan, pavarësisht faktit që është kundërshtari im, si koleg, por edhe si bashkëqytetar, sepse jetojmë gati nën të njëjtën çati. Dënoj me forcë çdo akt dhune dhe do ta bej këtë me të njëjtën forcë, cilido qoftë i sulmuari. Por puna është se Saimir Tahiri nuk është aty që ta mbështesim sa herë ta sulmojnë, por që të na mbrojë ne nga sulmet e krimit. Nuk është ai qe duhet të ketë nevoje për solidaritetin dhe mbështetjen tonë, por krejt e kundërta. Në rast se bandat e kanë si lojë tritolin mbi familjen e ministrit të Brendshëm, çfarë mund të bëjnë ata me qytetaret pa pushtet? Dhe bandat nuk po ia përtojnë kësaj pune, pasi bombat me tritol po lëshohen në gjithë vendin me lehtësinë e fushekzjarreve të Vitit të Ri. Ndaj edhe medaljet mbi gjoksin e ministrit te Brendshëm, që vendos herë pas herë Edi Rama nuk kanë shumë kuptim, sa kohë që ministri ka më shumë nevojë për mbështetjen e të pambrojturve, se sa kemi ne për mbrojtjen e tij.”-tha Patozi.
     
    Patozi: Qeveria dhe PD, jo për të shpërndarë ndihma, por për ligje që ndihmojnë njerëzit
    Gjatë fjalës së tij, Patozi u ndal edhe te situata në zonat e të përmbyturve ku theksoi se vendi nuk ka nevojë për një qeveri dhe një opozitë që të çojë ndihma, por të marrë vendime që do të përmirësojë jetën e njerëzve tani dhe në të ardhmen.
     
    “Ne nuk kemi nevojë për një kryeministër që shpërndan dele dhe as për një kryetar kuvendi, që u çon peshqesh fshatarëve zogj, sepse nuk di që në qeveri të ketë ndonjë stallë dhensh dhe as në parlament të jete hapur ndonjë pulari. Dhe që të jem i drejtë deri në fund, e njëjta gjë vlen edhe për furgonat me ushqime, qe nisen nga selia e opozitës, ndërkohë qe nuk di që atje të ketë ndonjë fabrike mielli apo magazine orizi. Nëse duam vërtete t’i ndihmojmë ata njerëz duhet që në këtë sallë të miratojmë sa më parë një strategji afatgjate për t’i dhënë fund një herë e përgjithmonë atyre tragjedive të rënda familjare që pothuajse përsëriten çdo vit. E cila mund të përfshijë madje edhe shpërnguljen e shumë banorëve, shtëpitë e të cilëve ndodhen në vijën e kuqe të rrezikut. Sado kosto të lartë të ketë, do të jetë gjithmonë më e vogël se sa taksa qe paguajmë çdo vit, por mbi të gjitha do të shpëtojmë edhe nga stresi kombëtar, që shoqëron gjithmonë fatkeqësi të tilla. Dhe paratë nuk janë aq vështirë të gjenden, ndonëse ne ende jemi vend i varfër.”
     
    Pr/ligji për medaljet në FA, Patozi: Nuk do t’i bëjë më të zotë
    Ka qenë një kohë nga fundi i diktaturës se sa më shumë boshatisej tregu aq më shumë shtoheshin medaljet dhe dekoratat. Kjo mu  kujtua sot. Ligji përcakton se medaljet nuk jepen vetëm nga MM, por edhe nga komandantë të vegjël. Ai lum medaljesh nuk do t’i bëjë më zot. Për më shumë se abuzimi, mua më shqetëson epidemia e shpërndarjeve të medaljeve.

    “Ka qenë një kohë nga fundi i diktaturës, kur sa më shumë boshatisej tregu, aq me tepër shtoheshin titujt dhe fletët e lavdërimit për klasën punëtore dhe fshatarësinë kooperativiste. Ishte gati një ligj i pashkruar i regjimit, qe kur dikujt nuk i jep dot leke, jepi medalje dhe dekorata. Kjo kohe m’u kujtua kur po shqyrtohej ne komision ligji, qe pritet qe miratohej sot. Natyrisht, nuk kam ndërmend qe te merrem me efektet që mund të ketë ai tek forcat tona te armatosura, sepse besoj qe është gjeja e fundit që ka vlerë në hierarkinë e reformave, për të cilat ato kanë nevojë. Në vija të trasha ligji përcakton se medaljet nuk jepen vetëm nga ministri i Mbrojtjes, por edhe nga shefi i Shtabit te Përgjithshëm, komandanti i brigadës, komandanti i kompanisë, ne mos gabohem edhe nga komandante me te vegjël. Relacioni nuk e shpjegon dhe unë nuk e di se standardi i kujt vendi është marre si model, se Shqipëria është prej vitesh anëtare e NATO-­s, por jam shume i sigurt se ai lume medaljesh, qe mund te shoqërojë aplikimin e këtij ligji, nuk do t’i beje as me te zote dhe as me atdhedashës ushtaraket tanë. E aq me pak mund të shpresojmë se përmes tyre evitojmë ngjarje te tilla te renda si ajo e pilotit qe humbi jetën ne Spanje.  Por me shume se abuzimi qe mund te ndodhe me ketë fenomen tek forcat tona te armatosura, mua me shqetëson epidemia e shpërndarjes pa dogane te medaljeve, si mentalitet qeverisës gjatë këtyre viteve. .”- tha Patozi në lidhje me pr/ligjin. 

    Patozi: Të anulojmë projektin skandaloz të check up­-it, sigurojmë 120 mln euro
    “Mjafton të anullojmë projektin skandaloz te check up­-it shëndetësor, qe i është falur një kompanie, që tregton cigare, dhe kemi siguruar 120 milion euro. Përfytyro se sa dele mund te bliheshin me këtë shumë dhe sa dhurata mund të bënte Edi Rama me të në këtë prag fushate.”- tha Patozi.