TIRANE – Kupola e Policisë së Shtetit përfshihet nga ndryshime për të rritur performancën në strukturat e saj.
Sokol Bizhga, emërohet drejtor i Studimeve Strategjike, i cili ishte zëvendësdrejtor i Përgjithshëm i Policisë në departamentit të Hetimit të Krimit. Një vit më parë Bizhga zëvendësoi ish-zëvendësdrejtorin e Përgjithshëm të Policisë, Agron Kuliçajn. Kështu, Bizhga zëvendëson Bilbil Memën tek Drejtoria e Studimeve Strategjike, ndërsa Mema emërohet drejtor i Akademisë së Policisë, post i cili kishte mbetur bosh pas dorëheqjes së Hysni Burgajt. Sakaq, vendin e Sokol Bizhgës në postin e zv/drejtorit të Përgjithshëm të Policisë së Shtetit, e merr Haki Cako, i cili mbante postin e drejtorit të Policisë së Gjirokastrës. Në postin e drejtorit të Policisë së Gjirokastrës transferohet Kastriot Skënderaj, i cili ushtronte të njëjtën detyrë në Vlorë. Në vendin e drejtorit të Policisë së Vlorës emërohet Perlat Çullhai, i cili mbante postin e drejtorit të Policisë në Durrës. Ilirjan Balla, dorëzon postin e drejtorit të Policisë së Kukësit për në drejtorinë e operacioneve speciale, ndërsa në vendin e tij emërohet Alban Çela. Vetë ministri i Punëve të Brendshme Sajmir Tahiri zhvilloi një takim në ambientet e Drejtorisë së Përgjithshme të Policisë së Shtetit, me drejtuesit e strukturave të larta të policisë për të komunikuar emërimet e reja.
Tahiri firmos për Cakon dhe Nakon
Ministri i Punëve të Brendshme, Z.Saimir Tahiri, ka firmosur emërimin në detyrën e Zv/Drejtorit të Përgjithshëm të Policisë së Shtetit për krimin e Organizuar e Krimet e Rënda Z.Haki Çako, i cili më parë kryente detyrën e Drejtorit të Policisë së Qarkut Gjirokastër.
Po ashtu ka firmosur lirimin nga detyra e Zv/Drejtorit të Përgjithshëm për Kufirin e Migracionin të Z.Pëllumb Nako, i cili ka përmbushur afatet e parashikuara në ligj për qëndrimin në detyrën e Zv/Drejtorit të Përgjithshëm të Policisë.
Ja ndryshimet ne Policine e Shtetit
Me synim rritjen e performancës në strukturat e Policisë së Shtetit janë bërë ndryshimet e mëposhtme:
Ministri i Punëve të Brendshme, Z.Saimir Tahiri, ka firmosur emërimin në detyrën e Zv/Drejtorit të Përgjithshëm të Policisë së Shtetit për krimin e Organizuar e Krimet e Rënda Z.Haki Çako, i cili më parë kryente detyrën e Drejtorit të Policisë së Qarkut Gjirokastër.
Po ashtu ka firmosur lirimin nga detyra e Zv/Drejtorit të Përgjithshëm për Kufirin e Migracionin të Z.Pëllumb Nako, i cili ka përmbushur afatet e parashikuara në ligj për qëndrimin në detyrën e Zv/Drejtorit të Përgjithshëm të Policisë.
Ndërkohë me urdhër të Drejtorit të Përgjithshëm të Policisë së Shtetit, Z.Artan Didi, janë bërë ndryshimet e mëposhtme:
– Z.Sokol Bizhga është emëruar në detyrën e Drejtorit të Studimeve Strategjike në Drejtorinë e Përgjithshme të Policisë.
– Z.Pëllmb Nako është emëruar Specialist në Drejtorinë e Studimeve Strategjike.
– Z.Bilbil Mema është emëruar Drejtor i Qendrës së Formimit Policor.
– Z.Kastriot Skënderaj është emëruar në detyrën e Drejtorit të Policisë së Qarkut Gjirokastër, më parë kryente detyrën e Drejtorit të Policisë së Qarkut Vlorë.
– Z. Alban Çela është emëruar në detyrën e drejtorit të Policisë së Qarkut Kukës, më parë kryente detyrën e Zv/Drejtorit të Policisë së Qarkut Berat.
– Z.Ilirjan Balla është emëruar Shef Sektori në Drejtorinë për Krimet e Rënda në Drejtorinë e Përgjithshme të Policisë së Shtetit, më parë kryente detyrën e Drejtorit të Policisë së Qarkut Kukës.
– Z.Afrim Tafa është emëruar Zv/Drejtor i Policisë së Qarkut Berat, më parë kryente detyrën si Shef Sektori në Drejtorinë për Krimet e Rënda në Drejtorinë e Përgjithshme të Policisë së Shtetit.
– Z.Jaeld Çela është emëruar Drejtor i Policisë së Qarkut Vlorë, më parë kryente detyrën e Zv/Drejtorit të Policisë së Qarkut Durrës.
– Z.Ervin Hasrama është emëruar Shef i Komisariatit të Policisë Durrës,
– Z.Erdit Elmazi është emëruar Shef i Komisariatit të Policisë Fier,
– Z.Rifat Çoku është emëruar Shef i Komisariatit të Policisë Malësi e Madhe
– Z.Haki Hasanbega është emëruar Shef i Komisariatit të Policisë Mallakastër.