Hiqu, hiqu more Berti
Qenkëshe vërtet laneti
Këtu stani këtu deti
Sa të ka zili dhe mbreti
Këtu stani e këtu deti
Parajsa edhe xheneti
Këtu fati dhe kismeti
Ti rrije erdhi të gjeti
Berti urat perëndije
Të gjeti fati tek rrije
Ulur lisit në një hije
T‘u qas njëra me terbie
Të goditi lehtë te supi
Aman Berti të këputi
Zemra të kërceu pupthi
Të ndezi si flakë baruti
Ç‘qe ruajtur ky peshqesh
Erdhi dhe të tha në vesh
Do apo nuk do baresh..!?
Qimet përpjetë me gjithë lesh
T’u mor goja po jo ppppo
Ç’pate të tha do, a s’dooo
Po moj poo, dua si s’dua
Po ulu një, çikë tek mua
T’u ul pranë e me një frymë
Të shtyhu, të shkeli synë
Ta kuptoi terezinë
Dhe me takt të dha CV-në
Lexove, po ç’të lexoje
Nga sytë xixa, gjë s’shikoje
Ç‘ të shihje o Bert fakiri,
Gati sa s’të doli syri
T’u mor goja dhe u meke
Nuk the as peqe e as lepe
Kthe dopjo edhe kthe teke
Tu bë nata në vaft dreke
T’u ndez së prapthi çibuku
Ja dhe vrapit te muslluku
U dogje u përvëlove
Në muslluk e dot s’u shove
Me instiktin e një plaku
Hodhe dorën te bixhaku
Menjëherë të zuri gjaku
There dy, tre, desh te pragu
Të dëgjuan gjithë sa qenë
Thoshje bimni gjith kopenë
Ulurim tunde gjithë vendin
Gati sa s’there dhe qenin
Të qe bërë mendja Apash
Sa që t‘u duk qeni dash
Vije vërdallë pleqërisht
M‘u si aeroplan pa bisht
Dil xhaxho e hajd në dhen
Dil që të më japësh mend
Berti që njihje u çmend
Ulurin sa tundi vend
Ka zbrit ujku ne Sarend
Dil ku je, xhaxho shepraku
Si i zgjuar, si më plaku
Mos e qorrollis së paku
Se Bertin e ka zënë gjaku
Ngeli me dorë te bixhaku
Berti në këtë nën dorë
Ngeli me bixhak në dorë
Ulurin si ujk në borë
Ther cjep edhe desh përçorë
Perëndia vëntë dorë….!