E fuqishme plot magji,
Pa trokitur e pa bujë ,
Krejt e hapur, aspak sekrert,
Ashtu shfaqet çdo dashuri.
Kur sytë flasin më qartë se goja,
Fillojnë gjestet, prekjet e lehta,
Me një puthje fillon loja,
Argëtohen çiftet,
Siç zbavitet nder lule bleta.
Dashuria ka disa vetí,
Nuk njeh moshë as kontinent,
Të gjitha gjuhët e botës ajo i dí,
Nuk pranon këshilla,
përkthyes as koment.
Kush dashuron me zemër,
Nuk u beson syve,
Shpesh ndodh, që edhe bakri,
Si ar, u duket të dyve.
Dashuria e vërtetë
nuk komandohet as nuk blihet,
E pamundur që të fshihet.
Po pati zënka e ngatrresa,
Dashurinë e shuan martesa.
Zemra që dashuron, mbetet përherë e re,
Asgjë tjetër nuk mund ta shërojë një njeri,
Po s’e shëroi e magjishmja Dashuri.
Nëse dashuria s’është çmenduri,
Nëse s’ka fuqi të bëjë çudira,
S’mund të quhet dashuri.
Kur hedh rrënjë një dashuri,
Flitet për të ardhmen plot begati,
E nëse premtimet nuk plotësohen,
Kujtojmë të kaluarën me nostalgji.
Po deshe dikë për interes e pasuri,
Me dhurata , shpesh darovitur,
Ky quhet prostitucion me leverdi,
Përherë do të mbetesh e uritur.
