Në shpirtërat tanë ka disa dhoma
të fshehura thellë në errësirë.
Me perde malli nga lot të njoma
përplot pasion edhe dëshirë!
Dyer që s’hapen kur fryn Veriu,
e as nga Juga, as me të shtyrë.
Çelësat ne nuk ia dhamë njeriu;
veç një e ka çelësin për të hyrë!
Nëse dikush të zgjon dëshira,
që s’i ke patur kurrë më parë!
Ai ka hyrë tek errësira
dhe n’ato dhoma ka ndezur zjarrë.
Një shprehje e urtë “Ju marrtë e mira”
E pra, e mira ju ka marrë!
Akoma një
Ja dhe një ditë me diellin fshehur,
me zemrën lënë diku atje…
Të harrova dje i dehur,
por sot të dua më shumë se dje!
Ja dhe një ditë, shtrënguar dhëmbë;
me fjalë, pa fjalë, me zhurmë e gota.
E humba botën dje nën këmbë,
e sot të dua sa e gjithë bota!
Ja dhe një ditë si gjithë të tjerat,
që s’kanë motiv, nuk kanë asgjë.
I more botës gjithë pranverat,
por unë do pres, akoma një!
