Suplementi Pena Shqiptare/ Bardhyl Londo: Reminacion

696
Sigal

Ku po shkon kështu fundshekull i çuditshëm?
Lindjeperëndim, Perëndimlindje. Perëndolind. Lindperëndo.
iluzione që vyshken, iluzione që lindin për t’u vyshkur
Iluzionet?
R-e-m-i-n-a-c-i-o-n.
Si po vdes kështu fundshekull i krisur?
Vdes apo vdekjen sfidon?
Me ç’rekuiem të Bahut ta përcjellim murin e Berlinit?
Rekuiemet?
Re mi nacion.

Si po ndahesh kështu fundshekull tragjikomik?

A duhet të besojmë vërtet, se ulliri gjelbëron)
Mbi hartën e Evropës si mbi një tabelë shahu,
ekzaltime demokracish,
Shah. Mat. Shahmat. Matshah,
Remi nacion.

Si po perëndon kështu fundshekull Hamlet?
Evropa u hap “Rilindja” u mbyll,
Largime ushtrish – Palestina gjakon.
Portat e Brandenburgut, Qafëprush, KSBE, emigrant kllapi
Rripi i Gazës
segregacion
Fundshekull
shtetbashkues
Fundshekull
re
mi(njsh) nacion alshovinistësh.

Re – mi – – na – ci – on

Eja dalim një fotografi, fundshekulli im.
Me degën e ullirit – Me thikën që gjakon.
Ke a s’ke zemër ti fundshekull’i im?

Fundshekull
Pa
R-e-m-i-n-a-c-i-o-n.