Më erdhi heshtja jote sot, më foli!
Më tha ta dëgjoja…!
Të shkruaj,
derisa të thahet boja.
E dëgjova, nisa të derdhem nëpër vargje.
Heshtja më pëshpëriti prapë.
Tregoju fletëve për mungesat e mia!
Fletët nuk e mbajtën dot peshën, kishe munguar gjatë.
Dora në vija nuk qëndronte drejt,
u llangos, i grisa disa fletë.
Pyeta heshtjen tënde se – “pse ka munguar”?
Unë prapë do mungoj tha, por jo se dua.
Te lutëm që në mungesën time, ngjyrosi ditët e tua.
