(Pjesa e parë)
Prap i dashur komandant
frike na ka armiku!
Ecim në gjurmët e tua;
s’na dridhet qerpiku.
Prap i dashur komandant
siç na ka dhe hije.
Shumë nga ish-komunistët
i kemi në krye!
Ne i dashur komandant
nuk e thyem gjurin.
Nga kongreset në kongrese
lartë e ngremë flamurin.
Me ty flasim si me babën,
dhe s’na del sekreti.
Me të ligjtë ndër komunistët
s’kanë rënë nga pushteti.
Armët që na le në depo
na kane pasuruar.
Shit e shit kudo në botë
dhe s’kanë të mbaruar!
Ne me popullin e thjeshte
Bëjmë si në teatër.
Çdo ditë me armët që morën
vriten nga tre –katër.
Shumë nga armët që na le
i kemi shpërndarë.
Prandaj prapë populli ynë
është popull ushtar.
Prap gjerdanet mbajmë në mes
dhe nuk i shkërmoqim.
Se grabisim ndonjë bankë
vrasim dhe sho-shoqin.
Prap i dashur komandant
Siç na ke mësuar
luftë klasash bëjmë serish,
por të moderuar.
Që të jemi të besueshëm
dhe mos biem erë.
Shumë nga shtyllat e tensionit hodhëm në erë
As dhe njeri midis nesh
me prona s’u ngop!
Morëm nga kooperativat
dhen e dhi e lopë.
Ne i morëm dhe fabrikat:
Çdo gjë e qëruam
Prishëm Spaçin e Burrelin;
Drenovën ndërtuam.
Prishëm Spaçin e Burrelin
të ulnim tërbimin.
Por kemi Bencen pranë malit.
Kemi dhe Peqinin.
Mësimet që na ke lenë
Na ndriçojnë përditë.
Ne tani në burgje kemi
sa pesë-fishi yt!
Në rrugën që na ke lënë
ne rendim me vrap,
dhe me njerëz të pafajshëm
burgjet mbushim prapë.
Ata që burgosëm dje
rrugëve mbeten sot.
Ndaj sa herë që bëjnë greva
u hedhim një kockë.
Të na falësh komandant
për atë që iku!
Ka ca vite që gjermanin
ne e bëmë ballë miku,
por të vazhdojmë kuvendin
dhe mos t’i vemë pikën.
Memëm e babë tani kemi
vetëm Amerikën.
Te na falësh komandant
që biem pak erë!
NATO-n që ti nuk e deshe
e kemi në derë.
Tani kemi shumë parti
me yll e me shkaba,
po të gjitha janë njësoj:
Ngjajnë vetëm nga baba.
Të na falësh komandant
se s’na mban me zigji.
Sa herë bie shi atdheu
Bëhet si Maliqi.
Dikur ne bëmë betimin:
Për ty jepnim jetën,
por të gjithë patëm gënjyer
s’të thamë të vërtetën.
Te na ndjesh o komandant
se s’është si më parë
Tani jetën ne e japim
vetëm për dollarë.
