Mançester Junajtid dhe Totenhemi kanë dhuruar spektakël në “Old Trafford”, duke barazuar 2-2 në supersfidën e javës së 21-të të Premier Ligës.
Dueli nisi menjëherë me gol, me “djajtë e kuq” që gjetën rrjetën pas tre minutave lojë me Razmus Hojlund, por në të 19’ ishte Riçarlison ai që rivendosi baraspeshën.
Pa u mbyllur pjesa e parë, Markus Rashford kaloi sërish në avantazh skuadrën e Ten Hag, por në fillimin e të dytës, baraspesha u vendos sërish, kësaj radhe nga Bentankur.
Kështu Totenhemi vazhdon të qëndrojë në vendin e 5-ë me 40 pikë, ndërsa Junajtid ngjitet në vendin e 7-ë me 32 pikë, 8 më pak se zona “Champions”.
REZULTATI:
MAN JUNAJTID 2-2 TOTENHEM
Hojlund 3′, Rashford 40′ / Riçarlison 19′, Bentankur 46′.
