-Nesër Liga Profesioniste dhe qeveria zbresin në fushën e lojës-
Titulli shkrimit ka brenda të vërtetën, për atë çka kanë deklaruar të dy palët “kundështare” nëqofëtëse do t’i quajmë kështu, në fund të javës të kaluar. Dhe si ditën e takimit të tyre zyrtar kanë lënë ditën e nesërme 20 tetorin 2020, për të zbritur në fushën e lojës Liga Profesioniste e Futbollit dhe qeveria. Nga palët nuk bëhen e ditur “delegacionet” që do përfaqësojnë njëra- tjetrën, por dihet vetëm se në krye të tavolinës midis të tjerëve, do jenë negociatori me qeverinë deputeti Ylli dhe presidenti Ligës, Libohova.Të tjerët që priten të jenë të pranishëm deri tani nuk dihen, ata janë duke kërkuar të futen në listën zyrtare. Por nga pala qeveritare natyrshëm që do jetë ministria Financave dhe Ekonomisë, zonja Denaj, sepse ajo do thotë fjalën në emër të shtetit, se sa nga katër pikat e kërkuara do jenë të zbatueshme. Por të habit fakti për këtë spostim në mënyrë vullnetare të Ministrisë të Arsimit Sportit dhe Rinisë që nuk duket emri askund në këtë kaos të vërtetë që ka më shumë se një muaj që ka përfshirë sportin shqiptar. Siç duket për këtë dikaster, sporti është thjesht një pjesë e strukturëes ministrore për të punësuar disa që e vetvlersojnë veten “specialist” të sportit edhe pse nuk janë aspak të tillë, por thjesht pagamarrës shtetëror. Gjithsesi duhet pranuar se, shkoi nga shkoi, topi për më shumë se një muaj, duke u sorrollatur për shumë kohë në gjoja me bisedime dhe “kuvende”, sa nga njëra gjysëm fushë, në tjetrën, papritmas ky top i shfryrë nga vetë ata, erdhi dhe u vendos të qendër në fushës. Dhe për të qenë me konkretë dhe më bindës, le të ndjekim pak në mënnyrë kronologjike rradhën e ngjarjeve që shpesh herë e quajnë dhe e vlerësojnë si përplasjet midis Ligës Profesioniste të Futbollit dhe qeverisë Rama. Kështu, më 4 shtator 2020 në Minsk të Bjellorusisë , aty ku ekipi ynë kombëtar do të zhvillonte ndeshjen për Ligën e Kombeve me ekipin vendas, presidentët e klubeve të Superiores, që kishin shkuar gjoja si “tifozë”, në prani dhe të presidentit të F.SH.F –ës Duka, në atë mbledhje, në atë vend ish- sovjetik, vendosin që të kërkojnë mosfillimin e kampionatit të Kategorisë Superiore më 12 shtator 2020 deri në realizimin e kërkesave të bëra qeverisë dhe të dakordësuara midis krerëve, klubeve më takimin e 5 gushtit 2020. Dhe pa kaluar vetëm një ditë pas suksesit të ekipit tonë kombëtrar në atë ndeshje transferte, pra më 5 shtator 2020, po nga “Kuvendi Minskut”, Liga Profesioniste bënte me dije zyrtarisht me zë dhe figure, se nuk do të niste kampionati futbollit deri në plotësimin e katër kërkesave nga qeveria. Në këtë kontekst askush nuk di thotë se pas atij takimi të famshëm të 19 marsit 2020, të quajtur ndryshe dhe si “takimi 12 premtimeve të bëra nga qeveria për sportin”, përse janë zhdukur tetë prej tyre ? Gjithësesi, “burrat e futbollit” vetë i kanë formuluar dhe po vetë ja kanë drejtuar 12 kërkesat në atë takim kryeministrit Rama, që nga ana e tij si kreu i shtetit në çast premtoi se do të realizohen të gjitha çka kërkon sporti. Dhe pas këtij takimi që dikush u nxitua dhe vlersojë siç donte vetë si ai “rilindja e sportit shqiptar” filloi harresa, filloi mosbindja për premtimet e bëra ndaj futbollit dhe sportit.
Më 12 shtator 2020, ditë kur sipas kalendarit zyrtar duhej të fillonte Kategoria Superiore, klubet e Superiores me mendim të përbëshkët me Ligën Profesionte, bojkotojnë fillimin e kampionatit. Gjithsesi të gjithë kishim rastin të shikonim që në pesë stadiumet ku do niste gara e shumëpritur, kemi parë pamje jo të konstatura më parë në historinë e futbollit shqiptar. Skuadrat së bashku me gjyqtarët kanë dalë në fushë, janë rreshtuar siç e kërkon protokolli , ku kapitenët e skuadrave kanë lexuar mesazhet për solidarizim me bojktimin e kampionatit. Dhe kaq, sepse kështu dhe këtu zyrtarizohej fillimi bojktimit të kampionatit. Po një ditë më vonë, më 13 shtator 2020, qeveria që u kujtua se ajo që thoshte Liga e Futbollit nuk ishte thjeshtë një zhurmë mediatike, dërgon si negociator Fidel Yllin, ose “deputetin e sportit” siç jemi mësuar të quajnë tani së fundi. Nga ana tjetër përfaqësuesit e Ligës nuk pranojnë të takohen me deputetin Ylli në zyrat e Ministrisë Financave, ku nga vetë qeveria mendohej të “fikej zjarri” ndezuar nga futbolli. Ky refuzim solli replika, kundërshti, akuza dhe kundër akuza, deri dhe të skajshme midis palëve. Nga Liga dilnin lajme se kërkohej me çdo kusht takim pune vetëm me kryministrin Rama, për të bërë të ditur premtimet e bëra dhe kërkesat e tyre, për ndryshe topi futbollit do të vendosej përpara kryministrisë. Pala qeveritare me anë të deputetit –negociator vendoste si kusht të formës prerë se “po dëshironi të takoheni me kryemistrin më parë duhet të filloni kampionatin”. Ky kusht nga ana e tyre u pasua ndër të tjera dhe atë se “bojkotimi kishte prapavijë poltike”. Në disa dalje publike duke ju përgjigjur pyetjeve kryeministri Rama rreth kësaj çështje, ndër të tjera do të përgjigjej shkurt: “Futbolli nuk varet nga shteti. Pavarësia që ka si shoqatë jo fitimprurëse i jep të drejtë ti zgjidhë si të dëshirojë problemet”. Më 19 shtator 2020 , kur pritej të zhvillohej java e dytë e Kategorisë Superiore dhe duhej të jepej starti Kategorisë Parë, bokjotimi vazhdon. Në fushat e futbollit e njëjta pamje si më parë. Futbollistët e skuadrave janë në ndeshjet e tyre pa top.
Kapitenët e skuadrave lexojnë mesazhet e tyre me një letër drejtuar qeverisë dhe krymeminstrit Rama me katër kërkesat e tyre. Më 5 tetor 2020, nuk ka asnjë sinjal nga qeveria për kërkesat e detajuara dhe të argumetura. Ndërkohë FIFA dhe U.E.F.A mbështesin kërkesat e klubeve shqiptare dhe i bëjnë thirrje qeverisë për të gjetur një zgjidhje më të mirë për futbollin. Pikërisht këtu fillojnë lëvizjet duke shfrytëzuar çdo lidhje shoqërore, dhe miqësore deri dhe me dreka dhe darka pune, për të gjetur mundësi komunikimi midis palëve, duke harruar të gjitha atë zhurmë të madhe të ngarkuar keq me akuza midis politikës dhe sportit, midis drejtuesëve të klubeve me njëri- tjetrin dhe deri trajnerët dhe pse jo dhe midis futbollistëve të njëjtës skuadër. Më 12 tetor 2020, kur pritej të realizohej ajo që kishte deklaruar më parë presideteti klubit “Tiranës” , Refik Halili se , “pas ndeshjeve të ekipit kombëtar për Ligën e Kombeve do të fillonte të lëvizte dhe topi futbollit” në takimin e rradhës midis jo pak polemikave nga të pakënaqurit, Liga e Futbollit vendos që bojkotimi të vazhdojë. Zëvëndëspresidenti Ligës Koço Kokëdhima, shkon deri aty sa thotë se: “Futbolli mund të fillojë në janar 2021 ose ka mundësi dhe në prill 2021, duke zbatuar zhvillimin e kampionatit me sistem grubullimi”. Me kërkesat e Ligës të Futbollit bashkohen zyrtarisht F.SH.B dhe në heshtje dhe federatat e tjera sportive që kërkojnë rifillimin e kampionateve të tyre. Më 15 tetor 2020, pas atyre fjalimeve që thanë për sportin në Parlament, duket se të dy palët kanë ulur në minimum ritmet e përballjes tyre , ku pas atij takimi të zhvilluar në Ministrinë e Financave , pa thënë asgjë se çfarë u diskutua dhe çfarë kanë zyrtarizuar të bëjnë për sportin, kanë bërë vetëm me dije se ditën e martë më 20 tetor 2020, palët do takohen përsëri, ku sipas tyre do bëhet diçka e mirë për sportin. Ky ishte pak a shumë “ditari kronologjik ” i këtij bojktimi të stisur dhe sajuar. Por siç bëhet me dije, sot pritet krejt formalisht që Liga e Futbollit të kërkojë dhe mendimin e atyre që ne i quajëm “burrat e futbollit”, pra presidentëve të klubeve dhe nesër të zbresin në fushën e lojës ata që ideuan dhe zbatuan përkohësisht “bojkotimin e futbollit” dhe qeveria.