Pas plot 48 ditëve topi i futbollit filloi të lëvizë në fushën e lojës. Dhe më saktë, kanë qenë ndeshjet e turit parë të Kupës të Shqipërisë që kanë ngritur siparin e vonuar të sezonit 2020-2021. Të 30 skuadrat nga të tre nivelet e futbollit, atë Superiore, të Parës dhe të Dytë u përballën njëra me tjetrën. Në fillim u mendua që më 1 Nëntor 2020 të nisnin kampionatet, por pastaj u mendua që me ndeshjet e turit parë të Kupës të testohej situata.
Në fakt, të 15 ndeshjet prodhuan plotë 65 gola nga loja dhe gjuatja e penalltive. Në fakt, janë shënuar gola si asnjë turn tjetër në historinë 68- vjeçare të Kupës të Shqipërisë. Dhe ka ndodhur kështu, sepse vetë formula e shpikur tani së fundi që ndeshjet të zhvillohen me nga një takim dhe madje si pritëse të jenë skuadrat më forta e favorizonte një fakt të tillë. ‘Vllaznia’ përballë ‘Devollit’ me 7 golat e shënuar pas pësuar asnjë, ‘Partizani’ ndaj ‘Ilirisë’ 5-0 , si dhe ‘Pogradeci’ me fitoren 9-1 ndaj ‘Orikut’, kanë regjistruar fitore të tillë të thella që do të arshivohen si rekorde në historinë e tyre. Dhe kësisoj në turin e dytë që do zhvillohet po sipas kësaj formule më 12 Nëndor 2020 do vendosë përballë për të dy grupet këto skuadra:
GRUPI A
‘Tirana’ – ‘Korabi’
‘ Laçi’ – ‘Egnatia’
‘Teuta’ – ‘Kastrioti’
‘Bylis’ – ‘Dinamo’
GRUPI B
‘Kukësi’ – ‘Besa’
‘Skënderbeu’ –‘Pogradeci’
‘Partizani’ – ‘Apollonia’
‘Vllaznia’ – ‘Elbasani’
Dhe si zakonisht në mbremjes e ditës diel, të gjithë u përqëndruan tek emisionet sportive të televizoneve kombëtare. Në të gjitha studiot specialistët e përhershëm, por dhe të ftuar nga grupi i “burrave të futbollit” në “fjalimet” dhe diskutimet e tyre nuk kanë bërë gjë tjetër veçse e kanë vlerësuar këtë nisje të futbollit si një sukses të madh, duke harruar të thonë disa të vërteta të mëdha të cilat nxorrën në shesh më së miri, se nga ana e tyre premtimi i marrë, kërkon të shitet si sukses. Vetëm gazetari Ervin Baku dhe dikush tjetër e ngriti me të madhe dhe diskutonte konkretisht, se zhvillimi ndeshjeve të këtij turi të Kupës me nga një ndeshje direkte duke vendosur si pritëse, skuadrat më të forta ishte formulë e gabuar, duke ndëshkuar kështu të vegjëlit e niveleve të poshtme të futbollit. Shumë prej atyre që ishin pjesë e “sofrës” të Ligës të Futbollit vazhdonin të thurrnin lëvdata vetes për “suksesin” e thyerjes të bojkotit, duke kërkuar të tregonin se ishin ata që e shpëtuan futbollin shqiptar nga ajo e keqe e madhe që u gatua po prej tyre.
Tani me të drejttë mund të pyesim se përse këta “burra të futbollit” nuk thonë qoftë dhe një fjalë se përse u zgjodh kjo formulë për zhvillimin e Kupës dhe jo e kundërta e saj, që këto ndeshje të zhvilloheshin më mirë në fushat e skuadrave të nivelit dytë dhe të tretë? Përse askush prej tyre nuk tha asnjë fjalë se përse ekipi ‘Luftëtarit’ me tradita në futbollin shqiptar nuk u paraqit në ndeshjen përballë ‘Elbasanit’ dhe ka shumë mundësi ta bëjë këtë gjë dhe ndeshjet e kampionatit? Përse nuk bëzajti askush për atë që shumë nga skuadrat për mungesë të terreneve kishin “emigruar” për këto ndeshje dhe behen gati të bëjën të njëtën gjë dhe për ndeshjet e kampionatit? Përse askush nuk foli dhe të argumentonte me fakte se “bojktoti” ju ka sjellë dëme financiare të gjitha skuadrave? As një fjalë nuk tha në këto emisione se përse është bllokuar merkatua për ‘Partizanin’ dhe për gjendjen që po kalon ‘Flamurtari’? Seria e pyetjeve mund të vazhdojë pa fund, sepse ka ende përse të tjera që duan përgjigje në këtë rast. Mos vallë dikush vazhdon të jetojë me delirin e “suksesit”, se katër kërkesat e paraqitura qeverisë janë njohur nga ana e saj. Kjo ishte arsyeja e organizimit dhe dështimit të bojkotit të sezonit ri nga ana e Ligës të Futbollit? Të quash “sukses” kryejen e detyrës siç është rasti me Ligën e Futbollit Shqiptar, nuk përbën as më shumë dhe as më pak, por një vetëkënaqësi të paramenduar më parë. Pastaj, rikthimi futbollit luajtur erdhi pas takimit Rama –Duka duke u dakordësuar për njohen e tyre dhe jo pasi u plotësuan katër kërkesat e bëra nga ana e Ligës. Të gjithë do të ndihen mirë, vetëm kur të shikojnë që për këto kërkesa të miratohen dhe të zbatohen ligjet e duhura dhe jo duke u kënaqur me premtimet. Deri tani kemi dëgjuar të flasin për thyerjen e bojkotit vetëm presidentin e FSHF-ës, zotin Duka dhe krerët më lartë të Ligës, sepse të tjerët kanë heshtur. Asnjë nga qeveria qoftë nga Ministria e Arsimit, Rinisë dhe Sportive dhe as nga ajo e Ekonomi –Financës nuk ka dalë me deklaratë zyrtare të thotë diçka konkrete.
“Jemi dakordësuar në tre pika të kërkesave tona dhe mbetet të diskutojmë për pikën e sponsorizimeve” -ka deklaruar ministria Denaj. Por kreu i “burrave të futbollit “Libohova” ka shtuar se: “Janë çështje në dinamikë për zgjidhje dhe në qoftëse mos plotësim të gjitha kërkesave bojkoti të rifilloi përsëri”. Dhe të gjitha këto deklarime vijën pas zhurmës të madhe të bërë në opinionin sportiv se “bojkoti ja arriti qëllimit” edhe pse shumë prej tyre nën zë e thonë “kjo ishte një lojë ku nuk kishte fitues”. Gjithsesi, përtej kësaj është me vend të themi se asnjë nga ato që u deklraruan gjatë kësaj kohe nga Liga e Futbollit gjatë afro dy muajëve, se “ plotësimi katër këkesave është i formës prerë”, se “bojkotimi do të vazhdojë deri në plotësimin e kërkesave tona deri në një” dhe se “do nxjerrim futbollistët të luajnë futboll përpara kryeministrisë”, por dhe ajo se “pa bërë takim me kryeministrin, nuk dalim në fushën e lojës” nuk nuk u pa të zbatohej. Më mirë se kushdo tjetër në këtë mjedis të ndezuar keq nga “akuzat dhe “kundërakuzat”, gjeti zbatim kërkesa e bërë që në fillim nga negociatori qeverisë, deputeti Ylli kur thoshte: “Filloni kampionatin që të takoheni me kryemistrin Rama.” Dhe më në fund vetë kryeministri është shprehur: “Tani gati për dialog!” Kështu, as më shumë dhe as më pak u zbatua ajo që kishte thënë që në fillim qeveria: “kthehuni në fushën e lojës të nisin bisedimet” Pas kësaj a mund të quhet dhe të vlerësohet që kjo lojë e dështuar sukses i Ligës të Futbollit? Si duhet kuptuar deklarimi bërë nga kreu i FSHF-ës , zoti Duka kur tha: “Unë kam pasur takime të vazhdushme në tri –katër ditët e fundit me përfaqësuesit e qeverisë dhe mendoj se jemi në rrugën e mbarë për t’i zgjidhur dhe përmirësuar gjërat ashtu siç duhet. Nuk do heqim dorë nga kërkesat, presim vendimet finale”. E thënë më qartë, Liga e Futbollit që deri tani ka bërë nën “obrellën “ e F.SH.F- ës duhej të kuptojë mirë dhe qartë, se këto përfundime diheshin përse zgjateshin pa fund me qëndrime ashpërsuese nga të dyja palët ? Një qëndrim i tillë, duket se i shkon mirë vetëm asaj që thotë kryeministri kur thotë se: “përshëndes fundin e bojkotit absurd …”. Kështu gjithë ajo zhurmë, që ajo zallamahi, jo vetëm që ishte për konsum, por krijoi dhe një klimë të tillë, sa që shumë shpreheshin se futbolli në Shqipëri është drejt zhdukjes tij. Vetëdeklarimet që bëheshin nga drejtuesit më të lartë të Ligës Futbollit se “na jepni zgjidhje, ndryshe kampionatet mund të fillojnë në janar ose prill të vitit ardhshëm” e nënkupton qartë këtë gjë. Pyetja që lind në këtë rast është se: kur çështja ka marrë drejtimin për zgjidhje, pse të përmendet nga Liga e Futbollit prapë hipoteza për bojkot? Duke dashur të analizojmë më tej rezulton se si ky premtim, qeveria Rama, ka bërë dhe në mars të 2019, kur premtoi jo për katër pika, por për 12 kërkesa dhe fakti ka treguar se deri sot, asnjë nuk është zbatuar. Këto gjëra dhe shumë detaje të tjera duhet t’i dijë opinioni edhe pse thuhet se: “dialogu dypalësh vazhdon”. Në këtë rast, nga të dy palët mungon transparenca për të thënë gjërat siç janë dhe ashtu siç i kërkon dhe i duhen sportit shqiptar. Shumë herë e kemi lakuar temën e “bojkotit” në faqet e gazetës tonë, duke i përshëndetur kerkesat e bëra nga Liga e Futbollit, por dhe theksuar se futbollit dhe sportit në tërësinë e tij, i duhen ligje të përshtashme, të zbatushme që ta ndihmojnë ringritjen e tij dhe jo premtime për të kaluar rradhën. Nga ana tjetër, ajo shprehja se “topi është i Ligës dhe penalltinë do e gjuaj qeveria” kërkon të thotë, se dorën e fundit për gjithçka që ka të bëjë edhe me sportin, do t’ja japë vetëm pushteti dhe qeveria, ndaj çdo premtim të tyre, ende të pazbatuar konkretisht, nuk duhet ta marrim e ta trumpetojmë për sukses. Të paktën në këtë rast Liga e Futbollit kështu ka vepruar. Fillimi kampionateve të futbollit për të tre nivelet që starton nesër, mund të vërtetojë shumë gjëra për atë se, ku është dhe ku po shkon futbolli shqiptar.
