KATEGORIA E PARË/ Kapiteni Mikel Canka ka shënuar tri herë për Lushnjen në ditën e tij të lindjes
Agron Kaja
“Jemi ende në synimin tonë të startit, për të qënë mes gjashtë skuadrave më të mira të këtij sezoni. Nisur nga skema, për ne do të ishte si “qershia mbi tortë” që të synojmë edhe më tej.”
Më 18 shkurt u luajtën dy ndeshjet e fundit të javës së 21-të të Kategorisë së Parë: Lushnja-Vora 2-1 dhe Flamurtari-Korabi 2-0. Në të dyja këto sfida, dy futbollistë shënuan nga dy gola (“dopietë”), Mikel Camka i Lushnjës dhe De Oliveira i Flamurtarit. Por veçohet ajo e kapitenit të Lushnjës, Mikel Canka, i cili me dy golat e shënuar e festoi edhe ditëlindjen e 37-të të tij në fushën e lojës. Festimi për Camkën ka qënë i veçantë, ku edhe pse qëndroi për 30 minuta në fushën e lojës, ai shënoi dy gola në harkun e pesë minutave (23’ dhe 28’), të cilët i dhanë tri pikët e fitores Lushnjes. Për gazetën “Telegraf”, kapiteni lushnjar u shpreh se kjo ishte hera e tretë që ai shënonte gol në ditën e tij të lindjes. “Po, më ka ndodhur edhe dy herë të tjera. Fillimisht dhjetë vite më parë kur mbusha 27 vjeç dhe i shënova një gol Sopotit. Hera e dytë ishte në sezonin e kaluar ku i shënova Besëlidhjes dhe dy golat kundër Vorës të dielën ishin për herë të tretë që shënoja në ditën time të lindjes. Por kjo me Vorën na dha shumë qëndrueshmëri e siguri, njëherësh na forcon pozitat në mesin e renditjes”, kështu u shpreh dje për gazetën “Telegraf” kapiteni i Lushnjës, Mikel Canka, i cili me dygolëshin e tij i dha fitoren Lushnjës në përballjen me Vorën. Por edhe pse në këtë pozicion në renditje, kapiteni lushnjar shprehet se të gjitha ndeshjet do të jenë me të tilla synime për skuadrën e tij, për të qënë mes gjashtë skuadrave më të mira të këtij sezoni. “Fitoret e Lushnjes kanë ardhur në një ritmikë, nga e cila skuadra ka treguar se ka mundësi e potencial për të synuar më shumë. Konkretisht, duke qënë se jemi ngjitur në renditje, tashmë rikujtojmë synimin tonë të startit, për të qënë mes gjashtë skuadrave më të mira të këtij sezoni. Nisur nga skema, do jenë katër skuadra që luajnë në Play-Off, e këtu mendoj se për ne do të ishte si “qershia mbi tortë” që të syojmë më tej”. Në javën e 22-të, e cila mbyll edhe fazën e dytë të këtij kampionati, Lushnja luan një ndeshje të vështirë me Korabin në Peshkopi, skuadër rivale edhe kjo, e cila nga ana e saj ka disa javë që renditet në vendin e gjashtë në tabelë, por pas javës së 21-të është me pikë të barabarta me Lushnjën, nga 26. “Ne synojmë të renditemi mes gjashtë skuadrave më të mira, dhe në ndeshjen e fundit në Peshkopi (me Korabin) do shkojmë për maksimumin e pikëve, pse jo edhe fitoren. Asgjë nuk kemi për të humbur”, kështu e analizon situatën e skuadrës së tij, kapiteni i Lushnjës, Mikel Canka. Në javën e 22-të, Lushnja luan në transfertë me Korabin në Peshkopi.
KUPA E SHQIPËRISË
Çerekfinalet e Kupës, si kompesim për kampionatin
KUPA E SHQIPËRISË
FAZA ÇEREKFINALE
Të martën, 20 shkurt 2024
Kukësi-Partizani 13:30
Teuta-Tirana 17:00
Të mërkurën, 21 shkurt 2024
Laçi-Egnatia 13:30
Erzeni-Vllaznia 13:30
Ndeshjet çerekfinale të Kupës së Shqipërisë do të luhen sot dhe nesër. Në këtë tur janë kualifikuar tetë skuadra të Abissnet Superiore, të cilat kanë qënë periodikisht pjesëmarrëse në turet e këtij trofeu, por mes tyre mungon Dinamo City 13 herë fituese e kësaj kupe. Ndërsa Tirana e ka fituar 16 herë, Partizani 15, Vllaznia 8, Flamurtari e Teuta nga 4 herë, Besa, Kukësi, Elbasani dhe Laçi janë nga 2 herë fitues dhe Skënderbeu, Apolonia me Egnatian nga 1 herë. Të gjitha skuadrat e kanë fituar Kupën e Shqipërisë, veç Erzenit, por në këtë situatë, këto çerekfinale duken edhe si një kompesim që skuadrat e mendojnë për kampionatin. Këtë synim e kanë edhe ato katër skuadra që do luajnë në “Final 4”, por edhe ato skuadra që janë për mbijetesë
Faza e dytë
Me ndeshjet e javës së 22-të mbyllet faza e dytë e Kategorisë së Parë.
Faza e tretë do të luhet sipas skemës së FSHF-së
KATEGORIA E PARË
Ndeshje e prapambetur
E mërkurë, 21 shkurt 2024
Kastrioti-Bylis 13:30
NDESHJET, JAVA 22
Të shtunën, 24 shkurt 2024
Vora-Apolonia 13:30
Të dielën, 25 shkurt 2024
Korabi-Lushnja 13:30
Kastrioti-Besa 13:30
Luzi 2008-Burreli 13:30
Tomori-Flamurtari 13:30
Të hënën, 26 shkurt 2024
Bylis-AF Elbasani 13:30
RENDITJA
Skuadrat Nd Pikë
1.Bylis 20 51
2.AF Elbasani 21 49
3.Vora 21 39
4.Flamurtari 21 39
5.Apolonia 21 31
6.Korabi 21 26
7.Lushnja 21 26
9.Burreli 21 22
8.Besa 21 19
10.Kastrioti 20 17
11.Tomori 21 14
12.Luzi 2008 21 12
